මෙරට ප්‍රවීණ ගායන ශිල්පිනියක වන අමිතා වැදිසිංහ මහත්මිය අභාවප්‍රාප්ත වී තිබෙනවා.
අද (20) පෙරවරුවේ ඒ මහත්මිය අභාවප්‍රාප්ත වූ බවයි පවුලේ ආරංචි මාර්ග සඳහන් කළේ.
ඇය ගැයූ ජනප්‍රිය ගීත අතර සසර සැරිසරා, දෙදහස් හයසිය, රන් රසු ජාලා සැලේ වැනි බෞද්ධ ගීත රැසක් ඒ අතර වනවා.
අමිතා වැදිසිංහයන් ගැයූ බොහොමයක් ගීත බෞද්ධ රසයක් ජනනය කරන ගීත වන අතර කන්ද උඩින් හඳ පායන ලීලා, පණ්ඩිත් අමරදේවයන් සමග ගැයූ අනෝතත්ත විල වැනි ගීත ද වැඩි ජනප්‍රියත්වයකට පත් වූ ගීත අතර වනවා.
