ශ්රී ලංකා ටෙස්ට් කණ්ඩායමට අලුතින් එක්වූ දඟ පන්දු යවන ක්රීඩක ප්රභාත් ජයසූරිය දෙසට මේ වනවිට ක්රීඩකට් ලෝකයේ ම අවදානය යොමුව තිබෙනවා.
ඒ, ඔහු සහභාගී වූ පළමු ටෙස්ට් තරග තුන තුළ දී දැක් වූ විශිෂ්ඨ දක්ෂතා හේතුවෙන්.
සංචාරක ඕස්ට්රේලියානු කණ්ඩායම සමඟ පැවති දෙවන ටෙස්ට් තරගයේ දී ඔහු ශ්රී ලංකාව වෙනුවෙන් ජාත්යන්තර ටෙස්ට් වරම් හිමිකරගත් අතර එම තරගයේ දී ඔහු කඩුලු 12ක් බිඳ දමමින් වැඩිම කඩුලු ලාභියා බවට ද පත් වුණා.
එමෙන්ම පාකිස්ථානය සමඟ නිමා වූ තරග දෙකකින් සමන්විත ටෙස්ට් තරගාවලිය තුළ, තරගාවලියේ වීරයා බවට පත්වන්නට ප්රභාත්ට හැකියාව ලැබුණා.
මාතලේ පුරවරයෙන් බිහි වූ මෙම වමත් දඟ පන්දු යවන්නා පාකිස්ථානය සමඟ ටෙස්ට් තරගාවලිය අවසන් කරමින් පසුගිය දා සිය උපන් ගමට පැමිණියා.
එහිදී ඔහුට සිය උපන් ගම වූ මාතලේ, රත්තොට ප්රදේශයේ ජනතාවගෙන් හිමි වුණේ උණුසුම් පිළිගැනීමක්.
