වාරිමාර්ග දෙපාර්තමේන්තුවට අයත් ප්‍රධාන ජලාශ 73 ජල මට්ටම සියයට 29ක් දක්වා මේ වනවිට පහළ ගොස් ඇති බව වාරිමාර්ග දෙපාර්තමේන්තුවේ ජලකළමණාකරණ ඒකකය පවසනවා.
එම ඒකකයේ අධ්‍යක්ෂ, ඉංජිනේරු සුදර්ශනී විදාණපතිරණ පැවසුවේ, ඉදිරියටත් කෘෂිකාර්මික කටයුතු සඳහා ජලය ලබාදීමේ ගැටලු සහගත තත්ත්වයක් ඇතිවන බවයි.
එමෙන්ම ගංගාවල ජල ප්‍රමාණය අඩුවීමෙන් පානීය ජලය සම්බන්ධයෙන් ද ගැටලුවක් ද මතු වන බව ඇය වැඩිදුරටත් පැවසුවා.
මේ අතර පැවති නියං තත්ත්වය අවසන් කරමින් අනුරාධපුර දිස්ත්‍රික්කයේ ප්‍රදේශ කිහිපයකට ඊයේ (11) පස්වරුවේ වැසි ඇද හැළුණු බව අප වාර්තාකරුවන් සඳහන් කළා.
පසුගිය කාලය පුරා පැවති නියං තත්ත්වය හේතුවෙන් අනුරාධපුර දිස්ත්‍රික්කයේ ද කුඩා පරිමාණ වැව් රැසක් සිදීගොස් තිබුණා.
