2023 වර්ෂයේ පළාත් පාලන මැතිවරණය වෙනුවෙන් පූනකරී, මන්නාරම සහ දෙහිඅත්තකණ්ඩිය යන ප්‍රාදේශීය සභා සඳහා ශ්‍රී ලංකා නිදහස් පක්ෂය, එක්සත් ජාතික පක්ෂය, සහ මුස්ලිම් කොංග්‍රසය ඉදිරිපත් කර තිබූ නාම යෝජනා පත්‍ර ප්‍රතික්ෂේප කිරීමට එරෙහිව ශ්‍රේෂ්ඨාධිකරණය හමුවේ ගොනුකර තිබූ පෙත්සම් එම අපේක්ෂකයන් විසින් ම ඊයේ (06) ඉල්ලා අස්කර ගනු ලැබුවා.
පෙත්සම් මහින්ද සමයවර්ධන, මේනකා විජේසුන්දර යන මහත්ම මහත්මීන්ගේ සමන්විත ශ්‍රේෂ්ඨාධිකරණ විනිසුරුවරු මඬුල්ලක් හමුවේ සලකා බැලුණා.
මෙම පෙත්සම්වල වග උත්තරකරුවන් ලෙස මැතිවරණ කොමිසම ඇතුළු පිරිසක් නම් කර තිබුණා.
මෙම පෙත්සම අධිකරණය හමුවේ කැඳවූ අවස්ථාවේ දී මැතිවරණ කොමිසම වෙනුවෙන් පෙනී සිටි නීතිඥ දර්ශන වෙරදුවේ මහතා කියා සිටියේ 2025 අංක 1 දරණ නව පළාත් පාලන මැතිවරණ පනතේ විවිධාන අනුව මෙම පෙත්සම පවත්වාගෙන යෑමේ පදනමක් නොමැති බවයි.
පෙත්සම්කරුවන් වෙනුවෙන් පෙනී සිටි නීතිඥවරයා එම තර්කය පිළිගැනීමෙන් අනතුරුව පෙත්සම් ඉල්ලා අස් කර ගන්නා බව නීතීඥවරයා අධිකරණයට දන්වා සිටියා.
