2023 පළාත් පාලන ආයතන ඡන්ද විමසීමට අදාළව ගොනු කොට තිබූ මූලික අයිතිවාසිකම් අයදුම්පත් සම්බන්ධයෙන් 2024.08.22 දින ශ්‍රේෂ්ඨාධිකරණය විසින් ලබාදුන් නඩු තීන්දුව මැතිවරණ කොමිෂන් සභාව විසින් නිසි ගෞරවයෙන් යුතුව සැලකිල්ලට ගත් බව මාධ්‍ය නිවේදනයක් නිකුත් කරමින් සඳහන් කරනවා.
එමෙන්ම 2024 ජූලි මස 26 දින ප්‍රකාශයට පත් කරන ලද අති විශේෂ ගැසට් නිවේදනය අනුව 2024 සැප්තැම්බර් මස 21 වන දින ජනාධිපතිවරණය පැවැත්වීමට අදාළ කටයුතු ඒ වන විටත් සිදු කෙරෙමින් ජනාධිපතිවරණ ඡන්ද විමසීම අවසන් වූ වහාම පළාත් පාලන ආයතන ඡන්ද විමසීම පැවැත්වීමට කොමිෂන් සභාව අවශ්‍ය කටයුතු සම්පාදනය කරන ලද බවද එම නිවේදනයේ සඳහන්.
එහිදී එම නිවේදනයේ තවදුරටත් දැක්වෙන්නේ; ශ්‍රේෂ්ඨාධිකරණය විසින් ලබාදුන් නියෝග අනුකූලව කටයුතු කරමින් පාර්ලිමේන්තු මැතිවරණ කටයුතු අවසන් වූ වහාම පලාත් පාලන ඡන්ද විමසීම පැවැත්වීමට දින නියම කරන බවයි.
