ලෝක කුසලානය වෙනුවෙන් ශ්රී ලංකා කණ්ඩායම යහපත් මානසික මට්ටමකින් පසුවන බව ශ්රී ලංකා සීමිත පන්දුවාර ක්රිකට් නායක දසුන් ශානක පවසනවා.
ශ්රී ලංකා ක්රිකට් නායකයා මේ බව සඳහන් කළේ එළෙඹෙන ලෝක කුසලානය වෙනුවෙන් ඉන්දියාව බලා පිටත්ව යෑමට පෙර ශ්රී ලංකා ක්රිකට් ආයතනයේ දී මාධ්ය වෙත අදහස් දක්වමින්.
පළමු පුහුණු තරගයේ සිට ලෝක කුසලාන තරගාවලියේ සෑම තරගයක්ම ඉතා හොඳින් ක්රීඩා කිරීමට බලාපොරොත්තුවන බව දසුන් මෙහිදී වැඩිදුරටත් සඳහන් කර සිටියා.
එමෙන්ම ලෝක කුසලාන තරගාවලිය තුළ පිතිකරුවන්ට වැඩි වාසි ගෙනදෙන තණතීරු මෙවර ඉන්දියාවෙන් බලාපොරොත්තු විය හැකි බව ද ඔහු මෙහිදී සඳහන් කළා.
ලෝක කුසලාන තරගාවලියේ දී ඉන්දියාව තුළ තමන්ගේ සුපුරුදු දක්ෂතා අතරට පැමිණීමට තමන් බලාපොරොත්තු වන බවයි මෙහිදී මාධ්යවේදීන් නැඟූ ප්රශ්නයකට පිළිතුරු ලබාදෙමින් දසුන් පැවසුවේ.
මේ අතර ඉන්දියාවේ තණතීරුවල ක්රීඩා කිරීමට තමන් බොහෝසෙයින් ප්රියකරන බවත්, අයි.පී.එල්. තරගාවලිය ඉන්දීය තණතීරුවල ක්රීඩා කිරීමෙන් තමන් ලැබූ අත්දැකීම් ලෝක කුසලාන තරගාවලියේ දී උපකාර වනු ඇති බව ද දසුන් පවසා සිටියා.
ආබාධයකට ලක්ව සිටින දඟ පන්දු යවන ක්රීඩක වනිඳු හසරංග සම්බන්ධයෙන් ද මෙහිදී මාධ්යවේදීන් විමසා සිටියා.
එහිදී දසුන් සඳහන් කළේ තරගාවලියේ මුල් තරග හතර, පහ සඳහා වනිඳුගේ සහභාගීත්ව අවිනිශ්චිත බවත්, ඒ හේතුවෙන් ඔහු ප්රධාන සංචිතය සඳහා නම් නොකර ඇති බවත් සඳහන් කළා.
කෙසේ වෙතත් ඉදිරි තරග සඳහා ඔහුට සම්බන්ධවීමේ වැඩි අවස්ථාවක් පවත්න බවයි ශ්රී ලංකා නායකයා පැවසුවේ.
ශ්රී ලංකා ක්රිකට් කණ්ඩායම එක්දින ලෝක කුසලාන තරගාවලිය වෙනුවෙන් ඊයේ (26) රාත්රියේ කටුනායක ගුවන් තොටුපොළෙන් ඉන්දියාව බලා පිටත්ව ගියා.
ශ්රී ලංකා පිළ ශ්රී ලන්කන් ගුවන් සේවයේ යූ.එල්.- 141 දරන ගුවන් යානයෙන් රාත්රී 11.40ට ඉන්දියාවේ මුම්බායි බලා පිටත්ව ගිය බවයි ගුවන්තොටුපොළ අප වාර්තාකරු පැවසුවේ.
PUTHA BOLA HONDHA FIGHT EKAK DEELA GAWURAWANWITHAWA DINUWATH GAWURAWANWITHAWA PERADUNATH APITA KAMAK NAHE. NAMUTH INDIA WALATA PERADUNA WAGEYI KUJEETHU LESA AYE KISIDAKA PARADINNA EPA. APITA MARAYA NAGINNE ANNA ETHAKOTA. DAN UNA DEYA UNA,EWA GENA HITHA HITHA DUK WENNA ONA NAHE. EKA PADAMAKATA ARAGENA MEKA PLAY KARANNA. APITA ONA HEMA MATCH EKAMA KARATA KARA SATANAK. DINUMA PERADUMA MOKAK UNATH.