හෙට (15) දිනයේ පැවැත්වීමට නියමිත 2024 පහ ශ්‍රේණිය ශිෂ්‍යත්ව විභාගය සඳහා සියලු කටයුතු සූදානම් කර ඇති බව විභාග දෙපාර්තමේන්තුව පවසනවා.
මෙවර විභාගය දිවයින පුරා පිහිටි විභාග මධ්‍යස්ථාන 2,849ක දී පැවැත්වෙන අතර, ඒ සඳහා අපේක්ෂකයින් 320,879 දෙනෙකු සුදුකම් ලබා සිටිනවා.
විභාගය පෙරවරු 9.30ට ආරම්භ වීමට නියමිත අතර, කල්වේලා ඇතිව විභාග මධ්‍යස්ථානයට පැමිණෙන ලෙස විභාග කොමසාරිස්වරයා විභාග අපේක්ෂකයින් උපදෙස් ලබා දෙනවා.
හෙට (15) පැවැත්වෙන ශිෂ්‍යත්ව විභාගයට මැතිවරණ ප්‍රචාරක කටයුතුවලින් බාධාවක් සිදුනොකරන ලෙස විභාග දෙපාර්තමේන්තුව ඉල්ලා සිටිනවා.
මේ අතර යම් ආපදාවක් හේතුවෙන් කිසියම් දරුවෙකුට විභාගයට පැමිණීමට නොහැකි වුවහොත් 117 හදිසි ඇමතුම් අංකයට දැනුම් දෙන ලෙස ආපදා කළමනාකරණ මධ්‍යස්ථානය උපදෙස් ලබා දී තිබෙනවා.
