පේරාදෙණිය බස් නැවතුම්පොළ අසල පස් කන්දක් කඩා වැටීමෙන් වෙළඳසැලක් තුල සිටි පුද්ගලයෙකු ජීවිතක්ෂයට පත්වී තිබෙනවා.
ඊයේ රාත්‍රී කොළඹ බස් නැවතුම අසල තිබූ පස් කන්දෙහි කොටසක් පැවති අධික වර්ෂාව හේතුවෙන් නාය යාමට ලක්ව තිබුණා.
ඉන් අසල තිබූ වෙළඳසැල් 4ක් පමණ පස් කන්දට යටවී ඇති බවයි පොලිසිය සඳහන් කළේ.
එම ස්ථානය අසල කාමරයක් තුළ නවාතැන්ගෙන සිටි පේරාදෙණිය ප්‍රදේශයේම පදිංචි 68 හැවිරිදි පුද්ගලයෙකු මෙලෙස ජීවිතක්ෂයට පත්වී තිබෙනවා.
පස් කන්ද කඩා වැටීමෙන් පසු අතුරුදන්ව සිටි එම පුද්ගලයා සොයා විදුලිබල මණ්ඩලයේ නිලධාරීන්, ගිනි නිවීම් ඒකකයේ නිලධාරීන්, ආපදා කළමනාකරණ ඒකකය සහ ප්‍රදේශවාසීන්ගේ සහායෙන් මෙහෙයුමක් සිදු කෙරුණා.
ඒ අනුවයි අද අලුයම අතුරුදන්ව සිටි පුද්ගලයාගේ මෘත ශරීරය සොයාගෙන ඇත්තේ.
මෙම පස් කන්ද කඩා වැටීමෙන් මාර්ගයේ ගමනාගමනයට බාධාවක් සිදුවී නැහැ.
