නාවලපිටිය මහකුඹුර ප්‍රදේශයේදී පස් කන්දකට යටවීමෙන් පුද්ගලයෙකු ජීවිතක්ෂයට පත්වී තිබෙනවා.
අලුතින් ඉදි කිරීමට නියමිත බැම්මක අත්තිවාරම් කපමින් සිටි පුද්ගලයෙකුගේ සිරුර මතට පස් කන්දක් කඩා වැටීමෙන් මෙම අනතුර සිදුවී ඇති බවයි පොලිසිය සඳහන් කළේ.
පස් කන්ද ඉවත් කර ඊට යටවී සිටි පුද්ගලයා නාවලපිටිය රෝහලට ඇතුලත් කිරීමේදී මියගොස් තිබෙනවා.
මෙලෙස ජීවිතක්ෂයට පත්වී ඇත්තේ නාවලපිටිය වෙරලුගස්හින්න ප්‍රදේශයේ පදිංචි 62 හැවිරිදි පුද්ගලයෙක්.
මෘත ශරීරය නාවලපිටිය රෝහලේ තැන්පත් කර ඇති අතර පොලිස් පරීක්ෂණ ක්‍රියාත්මකයි.
