ඉන්දීය ප්රිමියර් තරගාවලියේ ඊයේ (29) රාත්රියේ පැවති තරගයෙන් රෝයල් චැලෙන්ජස් බැංගලූරු කණ්ඩායම පරාජය කරමින් කොල්කටා නයිට් රයිඩර්ස් කණ්ඩායම ජයගත්තා.
කොල්කටා නයිට් රයිඩර්ස් ක්රීඩකයින් මෙම තරගය ජය ගත්තේ කඩුලු 07කින්.
මෙම තරගයේ දී ක්රිකට් පිටියේ පසමිතුරන් වී සිටි ඉන්දීය සුපිරි ක්රිකට් ක්රීඩක විරාට් කෝලිට සහ මෙවර තරගාවලියේ දී කොල්කටා කණ්ඩායමේ අධ්යක්ෂ ලෙස කටයුතු කරන ගෞතම් ගාම්භීර්ට එකිනෙකා මුණ ගැසීමට සිදුවුණා.
මෙහිදී සියලු දෙනා පුදුමයට පත්කරමින් කෝලිට සහ ගාම්භීර් තරගයෙන් පසු එකිනෙකා වැළඳගනිමින් සුහදව කතා බහක නිරවතවන ආකාරය දැකගත හැකි වුණා.
මෙම සිදුවීම ඉන්දීය මාධ්ය වර්තා කළේ අයි.පී.එල් පිටියට මෙන්ම ඉන්දීය ක්රිකට් ක්රීඩාවට ඉතා යහපත් සිදුවීමක් ලෙසයි.
මොවුන් දෙදෙනා අතර පැවති ආරවුල පසුගියවර අයි.පී.එල් තරගාවලියේ තුළ කැපී පෙනෙන සිදුවීමක් බවට පත් වුණා.
ඒ, එවර තරගාවලියේ දී රෝයල් චැලෙන්ජස් බැංගලෝර් කණ්ඩායම් සහ ලක්නව් සුපර්ජයන්ට්ස් කණ්ඩායම එකිනෙකා මුණගැසෙන තරගයක් තරගයක් පාසා ක්රීඩා පිටිය තුළ කෝලි සහ ගාම්භීර් අතර උණුසුම් තත්ත්වයන් ඇතිවීමත් සමඟයි.
පසුගියවර තරගාවලියේ දී ගාම්භීර් ලක්නව් සුපර්ජයන්ට්ස් කණ්ඩායමේ අධ්යක්ෂ ලෙස කටයුතු කළා.
