එල්නිනෝ තත්ත්වය හේතුවෙන් බලපා ඇති වියළි කාලගුණය හේතුවෙන් දිස්ත්‍රික්ක 08ක ප්‍රාදේශීය ලේකම් කොට්ඨාස 36ක් බලපෑමට ලක්ව ඇති බව ජාතික ආපදා සහන සේවා මධ්‍යස්ථානය පවසනවා.
එම මධ්‍යස්ථානයේ ජ්‍යෙෂ්ඨ සහකාර ලේකම් ප්‍රගීත් දලන්සූරිය පවසන්නේ පවුල් 48,126ක පුද්ගලයින් 156,456 දෙනෙක් පානීය ජල ගැටලුවට මුහුණ පා ඇති බවයි.
ඒ, අනුව ජ්‍යෙෂ්ඨ සහකාර ලේකම්වරයා පවසන්නේ පසුගිය සතියට සාපේක්ෂව මෙම සතිය වන විට එම ගැටලුවට මුහුණු පා සිටින පුද්ගලයින් සංඛ්‍යාවේ වැඩිවීමක් වාර්තා වන බවයි.
මේ අතර කෘෂිකර්ම අමාත්‍යාංශය මඟින් 2026 – 2027 මහ කන්නයේ වගා කටයුතු ඇරඹිය යුතු දින ප්‍රකාශයට පත්කර තිබෙනවා.
ඒ, අනුව වලව කලාපය ඔක්තෝබර් 01 වනදා මහ කන්නයේ වගා කටයුතු ඇරඹිය යුතු අතර, කවුඩුල්ල කලාපයේ නොවැම්බර් 01 වනදා, ඇළහැර කලාපයේ නොවැම්බර් 10 වනදා සහ ඇල්ල කලාපයේ ඔක්තෝබර් 15 වනදා එම කටයුතු ඇරඹිය යුතු බවයි අමාත්‍යංශය පවසන්නේ.
.
