පලාලි යුද හමුදා කඳවුරේ සේවයේ නිරත යුද හමුදා නිලධාරියෙකු හදිසියේ ම ජීවිතක්ෂයට පත් ව තිබෙනවා.
ඊයේ (23) පස්වරුවේ මෙම අවාසනාවන්ත ඉරණමට මුහුණ පා ඇත්තේ; යුද හමුදා සැරයන්වරයෙකු බවයි යාපනය පොලිසිය පැවසුවේ.
හදිසියේ ඇති වූ රෝගී තත්ත්වයක් හේතුවෙන් ඔහුව පලාලි රෝහලට ඇතුළත් කිරීමෙන් අනතුරුව රෝගී තත්ත්වයෙන් අසාධ්‍යය වී සිටි යුද හමුදා සැරයන්වරයා වැඩිදුර ප්‍රතිකාර සඳහා යාපනය ශික්ෂණ රෝහලට මාරු කර යැවුණා.
නමුත් ඔහු එහිදී ජීවිතක්ෂයට පත් වූ බවයි වාර්තා වන්නේ.
මරණය සම්බන්ධයෙන් පශ්චාත් මරණ පරීක්ෂණය යාපනය රෝහලෙන් සිදු කර ඇති අතර මරණයට හේතුව හෘදයාබාධයක් බවට අනාවරණය වී තිබෙනවා.
මෙලෙස මියගොස් ඇත්තේ කුරුණෑගල ප්‍රදේශයේ පදිංචි 31 හැවිරිදි යුදහමුදා සැරයන්වරයෙක්.
ඔහු දෙදරු පියෙකු වන බවට ද යාපනය පොලීසිය වැඩිදුරටත් පැවසුවා.
