අහිමි බලය ලබා ගැනීම හා හිමි බලය රඳවා තබා ගැනීමට ජනතාව විසින් ප්රතික්ෂේප කරන ලද ඇතැම් කණ්ඩායම් යුද්ධය, ජාතිවාදය, වෛරය සහ ගැටුම් ඇති කරලීමට ව්යර්ථ වෑයම් දරන බව ජනාධිපති අනුර කුමාර දිසානායක මහතා පවසනවා.
අද (19) බත්තරමුල්ල රණවිරු ස්මාරකය අබියස පැවැත්වෙන 16 වැනි යුද විජයග්රහණයේ ජාතික රණවිරු සැමරුම් උලෙළට එක්වෙමින් ජනාධිපතිවරයා මේ බව සඳහන් කළා.
තිස් වසරකට වැඩි කුරිරු යුද ඛේදවාචකයින් පවසන්නේ යළිත් එවැනි සිදුවීම් මෙරට තුළ සිදු නොවිය යුතු බවත්, එම බිහිසුණු අත්දැකීම්වලින් අපට පෙන්වන්නේ යුද්ධයෙන් තොර රාජ්යයක අත්යවශ්යතාව බවත් ජනාධිපතිවරයා මෙහිදී පැවසුවා.
සැකයෙන්, වෛරයෙන්, කෝපයෙන් තොර රාජ්යයක් නිර්මාණය කරගැනීමේ අවශ්යතාවත්, මව්බිම වෙනුවෙන් ජීවිතය මෙන්ම සිය සිරුරේ කොටස් පවා දන් දුන් විරුවන් වෙනුවෙන් ලබාදිය හැකි නිසි ගෞරවය වන්නේ යළි ගැටුමක්, වෛරයක් නොමැතිව සහෝදරත්වයෙන් හා ආදරෙයෙන් පිරි සමාජයක් නිර්මාණය කිරීම බව ද ජනාධිපති අනුර කුමාර දිසානායක මහතා කියා සිටියා.
යුද්ධය යනු ස්වාභාවික ව ඇති වූවක් නොවන බැවින්, බලය විසින් කරන ලද අපරාධ වසා ගැනීමට යුද ජයග්රහණ ඇතැමුන් යොදා ගන්නා බවත්, එය එසේ නොවන්නේ නම් යුද්ධය අවසන් කිරීමට ශක්තිය දුන් ෆීල්ඩ් මාර්ෂල් සරත් ෆොන්සේකා වැනි චරිත අවුරුදු දෙකහමාරකට ආසන්න කාලයක් නිරපරාදේ සිරගත කිරීමක් සිදු නොකරන බව ද ජනාධිපතිවරයා අවධාරණය කළා.
නීතිය හා යුක්තිය යැයි ඇතැම් කාරණා පෙන්වාදෙමින් යුද ජයග්රහණ මුවාවෙන් බලය යොදාගත් බව ද ජනාධිපතිවරයා රැස්ව සිටි පිරිස අමතමින් කියා සිටියා.
එබැවින් ශ්රී ලංකාව නමැති මාතෘභූමියට අවැසි වන්නේ ඇතැම් පරාජිත කණ්ඩායම්වලට ආස්වාදයක් වූ යුද්ධය බවත්, එය එසේ නොවන බැවින්, යුද්ධය යනු ඛේදවාචකයක් බවට වත්මන් රජය තරයේ විශ්වාස කරන බවත්, සදාකල්හි ම මාතෘභූමියට මෙන් ම ජනතාවටත් අනුලංගනීය ලෙස අප ප්රේම කරන බව ද ජනාධිපතිවරයා උත්සව සභාව අමතමින් අවසන් වශයෙන් සඳහන් කළා.
Moda dusta harako. uddaya aaswaadayak une ubalata.
කතාව සත්යයි. සැබෑවටම සිංහල හා දමිල ජන සංහාරය එලි කර ගැනීමට 2019 ලංකාවේ isis අන්තවාදී ත්රස්තවාදීන් රාජ්ය යන්ත්රණයට හා දේශපාලනයට රිංගා කල පාස්කු බෝම්බ ප්රහාර මාලාවේ සත්ය එලිකර බෞද්ධ ලංකාව අන්තවාදී ත්රස්තවාදීන් ගේ ඇෆ්ගනිස්තානය කීරීමට යන සැබෑම කුමන්ත්රණය හා ආක්රමණය පරාජය කරමු. යුද්ධය හරහා සංහාරය කල සිංහල හා දමිල ජනතාවට ස්ථිරවම කල හැකි ගෞරවය එයයි.