ජනපති මාධ්ය ප්රකාශක ලෙස පත්වීමක් ලද සිරස මාධ්යවේදී කිංස්ලි රත්නායක මහතා එම තීරණය ගැනීමට පසුබිම් වූ තිරය පිටුපස කතාව හෙළිදරව් කර ගැනීමට ඒෂියන් මිරර් හට හැකි විය.
මැදිවිය ඉක්මවූ කිංස්ලි රත්නායක සිරස මාධ්ය වෙනුවෙන් අවසානයට ඉදිරිපත් කළ The voice වැඩසටහනේ නිවේදක කටයුත්ත සඳහා අලුත් කොණ්ඩා හා රැවුල් මෝස්තරයක් දමා සූදානම් කළ අයුරු පිළිබඳව දේශපාලන ප්රබලයන් හා මාධ්යවේදීන් කිහිපදෙනෙකු සිටි උත්සවයකදී හාස්යයට ලක් කොට තිබේ.
ඒ අවස්ථාවට දයාසිරි ජයසේකර මහතා මෙන්ම ශිරාල් ලක්තිලක මහතාද සහභාගී වී ඇති අතර සිරස මාධ්ය ජාලයේ ඉහළම නිලයක් දරන ප්රකට මාධ්යවේදියකුද සහභාගී වී තිබේ.
ඒ අවස්ථාවේ අදාළ දේශපාලනඥයින් දෙපළගෙන් එක් අයෙක් සිරස මාධ්ය ප්රබලයාගෙන් අසා තිබෙන්නේ කිංස්ලි රත්නායකට “පරණ මොරිස් මයිනර් කාරයකට අලුත් මූණක් හයි කළ ආකාරයේ”පෙනුමක් ලබා දී තිබෙන්නේ ඇයිද යන්නය.
ඒ අවස්ථාවේ දී සිරස මාධ්ය ප්රබලයා කිසිත් නොකියා හාස්යජනක සිනහවකින් ඊට පිළිතුරු දී තිබේ.
දැනගන්නට තිබෙන ආකාරයට එතැන සිටි යම්කිසි මාධ්යවේදියෙකු මෙම සිදුවීම් මාලාව අකුරක් නෑර කිංස්ලි රත්නායකට වාර්තා කොට තිබේ.
කිංස්ලි රත්නායකට සිරස කාර්යාලයේ කොනක ඉතා කුඩා කාමරයක් ලබාදී තිබුණු බවද දැනගන්නට තිබේ.
සිරසින් ඉවත්වී එනවිට අම්මා මතක් වූවායැයි කිංස්ලි රත්නායක මාධ්ය සාකච්ඡාවල පැවසුවේ මේ සියලු කරුණු හේතුකොටගෙන බවද වාර්තා වේ.
