රුපියල් පන් කෝටි පනස් ලක්ෂයක් වටිනා විස්කි බෝතල් 673ක් සහ ඉන්දියාවේ නිෂ්පාදිත කරදමුංගු කිලෝග්රෑම් 75ක්, කටුනායක ගුවන් තොටුපොළ පළමු මහළේ, තීරු බදු රහිත සාප්පු සංකීර්ණ පරිශ්රයේ අතහැර දමා ගොස් තිබිය දී අද (13) දින අලුයම ගුවන් තොටුපොළ රේගු නිලධාරීන් පිරිසක් විසින් සොයා ගනු ලැබුවා.
දසත ගුවන් තොටුපොළ වාර්තාකරු පැවසුවේ, මෙම විස්කි සහ කරදමුංගු තොගය කුමන ගුවන් යානයක පැමිණි ගුවන් මගියෙකු විසින් කටුනායක ගුවන් තොටුපොළ වෙත රැගෙන එන්නට ඇති දැයි සොයා රේගු නිලධාරීන් විමර්ශන කටයුතු ආරම්භ කර ඇති බවයි.
මෙම විස්කි සහ කරදමුංගු තොගය දමා ගොස් තිබූ ගුවන් තොටුපොළ තීරුබදු රහිත සාප්පු සංකීර්ණයේ, සාප්පුවල සේවකයින්ගෙන් ප්රශ්න කරමින් සහ ගුවන් තොටුපොළ ආරක්ෂක කැමරා පද්ධතිය නිරීක්ෂණය කරමින් මේවායේ හිමිකරුවන් අනාවරණය කර ගැනීමට රේගු නිලධාරීන් ප්රයත්න දරමින් සිටින බවත් වාර්තා වනවා.
This whisky bottles cannot bring by one passenger in the flight.may be buy from duty free shop and try to smuggle it in..