විහාරස්ථානයකට අයත් භූමියක පිහිටි ගලක් ආසන්නයේ පුරාවස්තු ලබා ගැනීමේ අරමුණින් කැණීමක් සිදු කරමින් සිටි පුද්ගලයින් තිදෙනෙක් අත්අඩංගුවට ගෙන තිබෙනවා.
ඒ බුලත්සිංහල පොලිස් වසමේ බෝතලේගම – හිගුරකන්ද ප්රදේශයේදී යි.
අදාළ ස්ථානයේ කැණීම් සිදුකරන බවට බුලත්සිංහල පොලිසිය වෙත ලැබුණ තොරතුරකට අනුව පොලිසිය විසින් එම ස්ථානය වැටලීම සිදුකර ඇති අතර ඒ වන විටත් ඔවුන් එම ස්ථානයේ කැණීම් සිදු කරමින් සිට තිබෙනවා.
අත්අඩංගුවට ගත් සැකකරුවන් සන්තකයේ තිබී කැණීම් සඳහා භාවිත කරන උපකරණ තොගයක් ද පොලිස් භාරයට ගෙන ඇති බවයි වාර්තා වන්නේ.
සැකකරුවන් වයස අවුරුදු 35ත් 50ත් අතර පසුවන බුලත්සිංහල සහ හොරණ ප්රදේශවල පදිංචිකරුවන්.
සැකකරුවන් මතුගම අධිකරණය වෙත ඉදිරිපත් කිරීමට නියමිතව ඇති අතර සිද්ධිය සම්බන්ධයෙන් වැඩිදුර විමර්ශන සිදු කරනු ලබනවා.
