Rajapura Handi Oil
Rajapura Diabetic Powder

පන්දුවාර 07කට සීමා වුණ පළමු T20 ජය කැන්ගරුවන්ට

තරග 03කින් සමන්විත පන්දුවාර 20 ක්‍රිකට් තරගාවලියේ පළමු තරගය පාකිස්තානය පරදා ජය ගන්නට සත්කාරක ඔස්ට්‍රෙලියාව සමත් වුණා.

අද (14) තරගයට ඇදහැලුණු වර්ෂාව හේතුවෙන් තරගය ඩක්වත් ලුවිස් න්‍යාය අනුව පන්දුවාර 07කට තරගය සීමා කිරීමටයි කටයුතු කෙරුණේ.

ඒ අනුව කාසියේ වාසිය දිනූ පාකිස්තාන කණ්ඩායම පළමුව පන්දු යැවීමට තීරණය කළා.

බ්‍රිස්බේන් නුවර දී පැවැත්වුණ මෙම තරගයේ පන්දුවාර 07ක් අවසානයේ දී ඔස්ට්‍රෙලියා කණ්ඩායම කඩුලු 04ක් දැවී ලකුණු 93ක් ලබා ගත්තා.

අගනා ඉනිමක් ක්‍රීඩා කළ ග්ලේන් මැක්ස්වෙල් පන්දු 19ක දී ලකුණු 43ක් රැස් කළේ දැවැන්ත හයේ පහර 03ක් සහ හතරේ පහර 05ක් එල්ල කරමින්.

මාර්කස් ස්ටොයිනිස් නොදැවී ලකුණු 21ක් රැස් කළේ පන්දු 07කටයි.

කඩුලු බිඳ දැමීමේ දී පාකිස්තානය වෙනුවෙන් අබ්බාස් අෆ්‍රිඩි කඩුලු 02ක් සහ හාරිස් රවුෆ්, නසීම් ෂා එක් ව කඩුල්ල බැගින් බිඳ හෙලුවා.

පන්දුවාර 07ක දී ජයග්‍රහණයට ලකුණු 94ක ඉලක්කයක් හඹා ගිය පාකිස්තාන කණ්ඩායම පන්දුවාර 07 අවසානයේ දී කඩුලු 07ක් දැවී රැස් කළේ ලකුණු 64ක් පමණයි.

නෙතන් එලියස් ලකුණු 09කට කඩුලු 03ක් සහ ශේවියර් බාර්ටලට් කඩුලු 03ක් ද බිඳ හෙලුවා.

සම්පා කඩුලු 02ක් සහ ජොන්සන් එක් කඩුල්ලක් බිඳ දැමුවා.

තරගයේ වීරයා සම්මානය මැක්ස්වෙල් විසින් දිනා ගනු ලැබුවා.