නුවරඑළිය තැපැල් කාර්යාලය සහ එම ගොඩනැඟිල්ල පිහිටි ඉඩම වෙනත් පාර්ශ්වයකට පැවරීමට හෝ විකිණීමට කටයුතු නොකරන බව අමාත්‍ය විජිත හේරත් පවසනවා.
150 වන ලෝක තැපැල් දින සැමරුමට සමගාමී අරලියගහ මන්දිරයේ පැවති උත්සවයට අද (09) එක් වෙමින් අමාත්‍යවරයා මේ බව සඳහන් කළා.
මෙම උත්සවයට අග්‍රාමාත්‍ය හරිනි අමරසූරිය ද එක්ව සිටියා.
වසර 130ක් පැරණි ඓතිහාසික වටිනාකමකින් යුත් නුවරඑළිය තැපැල් කාර්යාල ගොඩනැගිල්ල හෝටල් ව්‍යාපෘතියක් සඳහා පෞද්ගලික අංශයට පැවරීමේ ක්‍රියාවලියක් සම්බන්ධයෙන් පසුගිය රජය සමයේ දැඩි කතාබහට මතු වුණා.
