වාද්දූව – මහ වාද්දූව ප්රදේශයේ දිගින් දිගටම සිදුවන විශාල ප්රමාණයේ දැව ජාවාරම් සම්බන්ධයෙ පොලිසියට ලද තොරතුරක් මත සිදු කළ වැටලීමක දී නීතිවිරෝධී ව කපන ලද තේක්ක දැව කඳන් තොගයක් ප්රවාහනය කරමින් තිබියදී පොලිස් භාරයට ගැනීමට සමත් ව තිබෙනවා.
වාද්දූව පොලිසියේ රථ වාහන අංශයේ නිලධාරින්ට ලද තොරතුරකට අනුවයි ඊයේ පස්වරුවේ මෙම වැටලීම
මොරොන්තුඩුවේ දී සිදු කෙරුණේ.
එහිදී බලපත්ර රහිත ව තේක්ක කඳන් ප්රවාහනය කරමින් තිබූ ලොරි රථයක් එහි රියැදුරු සමග අත්අඩංගුවට ගැනුණා.
ලොරි රථයේ අඩි හතරේ සිට 12 දක්වා දිග කඳන් 20කට ආසන්න ප්රමාණයක් ප්රවාහනය කරමින් සිට තිබෙනවා.
මෙම දැව තොගයේ වටිනාකම ලක්ෂ තුනකට ආසන්නයි.
සැකකරු 47 හැවිරිදි වියෙහි පසුවන මහ වාද්දූව ප්රදේශයේ පදිංචිකරුවෙක්.
සැකකරු අද දින පානදුර මහේස්ත්රාත් අධිකරණයට ඉදිරිපත් කිරීමට නියමිතයි.
