නීතිවිරෝධී ව ගෙන්වූ ගෝල්ඩ් ලීෆ් වර්ගයේ දුම්වැටි සමග පුද්ගලයෙකු අත්අඩංගුවට

හොර රහසේ ගෙන්වන ලද නීති විරෝධී දුම්වැටි සමග පුද්ගලයකු විශේෂ කාර්ය බලකාය නිලධාරීන්ගේ අත්අඩංගුවට ගෙන තිබෙනවා.

විශේෂ කාර්ය බලකාය යාපනය කඳවුරේ නිලධාරීන්ට ලද තොරතුරකට අනුව මෙම වැටලීම තෙලිප්පිලේ පොලිස් වසමේ උසාවිය පාර, මල්ලකම් රාජලිංගම් වෙළෙදසැලේ දී සිදු කර ඇති බවයි වාර්තා වන්නේ.

එහිදී තීරු බදු රහිත ව මෙරටට ආනයනය කළ ‘Gold leaf’ වර්ගයේ දුම්වැටි 300ක් අලෙවි කිරීම සඳහා සන්තකයේ තබාගෙන සිටි වයස අවුරුදු 63ක පසුවන පුද්ගලයකු අත්අඩංගුවට ගැනුණා.

සැකකරුව වැඩිදුර විමර්ශන කටයුතු සඳහා තෙලිප්පිලේ පොලිස් ස්ථානය වෙත භාර දී තිබෙනවා.