බදුල්ල – මහියංගණය ප්‍රධාන මාර්ගයේ ලොග්ගල්ලාඔය පන්සල ආසන්නයේ සිදු වූ යතුරුපැදි අනතුරකින් පොලිස් නිලධාරියෙකු ජීවිතක්ෂයට පත් ව තිබෙනවා.
මෙම අනතුර සිදු ව ඇත්තේ ඊයේ (15) රාත්‍රී 8.10ට පමණ බවයි දසත වාර්තාකරු පැවසුවේ.
අරාව පොලිසියට අනුයුක්ත ව සේවය කරමින් සිටි මරණකරු පැදවූ යතුරුපැදිය මාර්ගයෙන් ඉවතට ධාවනය වී ඒ අසල තිබූ කොන්ක්‍රීට් කණුවක හා සංඥා කණුවක ගැටීමෙන් ඔහු ජීවිතක්ෂයට පත් වුණා.
සිද්ධියෙන් මියගොස් ඇත්තේ කන්දකැටිය – වෙලඔය පදිංචි එච්. එම්. හේරත් නමැති 57 හැවිරිදි පොලිස් සැරයන්වරයෙක් වන අතර ඔහු තිදරු පියෙක්.
සේවය නිමා කොට දින තුනක නිවාඩුවක් ද ලබාගෙන නිවස බලා එමින් සිටියදීයි ඔහු මෙම අනතුරට ලක්ව ඇත්තේ.
සිද්ධිය සම්බන්ධයෙන් මහියංගනය හා අරාව පොලිසිය පරීක්ෂණ පවත්වනවා.
