බදුල්ල ඉහළ අලුත්ඇල පාරේ නිවසක් තුල මියගොස් සිටි කාන්තාවකගේ මළ සිරුරක් හමුවී තිබෙනවා.
මෙලෙස මියගොස් ඇත්තේ 89 හැවිරිදි කාන්තාවක් බවයි අප වාර්තාකරු සඳහන් කළේ.
මියගොස් ඇති කාන්තාවගේ නිවසට ඊයේ පැමිණ ඇති ඥාතියෙකු ඇය මියගොස් සිටින ආකාරය දැක පොලිසිය දැනුවත් කර තිබෙනවා.
මෙම කාන්තාව මීට දින 3කට පමණ පෙර මිය යන්නට ඇති බවටයි මූලික විමර්ශනවලදී අනාවරණ වී ඇත්තේ.
මරණයට හේතුව මෙතෙක් අනාවරණ වී නොමැති අතර සිද්ධිය සම්බන්ධයෙන් බදුල්ල පොලිසිය වැඩිදුර විමර්ශන සිදු කරනවා.
