පවතින වැසි සහිත කාලගුණ තත්ත්වය හේතුවෙන් නිල්වලා ගඟේ ජල මට්ටම සුළු ගංවතුර තත්ත්වයක් දක්වා ඉහළ ගොස් තිබෙනවා.
ඒ, අනුව මාතර ආපදා කළමනාකරණ ඒකකය සඳහන් කළේ නිල්වලා ගංගාව පිටාර ගැලීමෙන් සුළු ගංවතුර තත්ත්වයක් අකුරැස්ස, අතුරලිය යන ප්රදේශයන්ට මතුව ඇති බවයි.
මෙම ගංවතුර තත්ත්වය හේතුවෙන් අකුරැස්ස – සියඹලාගොඩ මාර්ගයේ ගමනා ගමනය සම්පූර්ණයෙන්ම ඇණහිට තිබුණා.
එමෙන්ම අකුරැස්ස – කඹුරුපිටිය මාර්ගය හෝන්දුගොඩ ප්රදේශයෙන් ගංවතුරින් යට වී ගමනා ගමනයට බාධා එල්ල වී ඇති බවයි වාර්තා වුණේ.
ඊට අමතරව අකුරැස්ස – අතුරලිය, කද්දුව මාර්ගය බලකාවල ඇතුළු ප්රදේශ ගණනාවකින් ගංවතුරින් යට වී තිබෙනවා.
මේ අතර අකුරැස්ස – වැලිකැටිය, ඇල්ලවෙල මාර්ගයේ උක්වත්ත ප්රදේශයේ මාර්ගයේ කොටසක් නාය ගොස් දැඩි හානියක් සිදුව ඇති බව වාර්තා වුණා.
ඊයේ (23) රාත්රී අකුරැස්ස – ගාල්ල ප්රධාන මාර්ගයට 16 වත්ත අසලින් කොටසක් නාය ගොස් ගමනා ගමනය ඇනහිට තිබු බවයි අප ප්රාදේශීය වාර්තාකරු සඳහන් කළේ.
කෙසේ වෙතත් අද (24) උදෑසන වන විට එක් මන්ත්රීරුවක පස් ගල් ගස් ඉවත් කිරීමට මාර්ග සංවර්ධන අධිකාරීය කටයුතු කර තිබුණා.
