අධිකරණය විසින් රාජ්ය බුද්ධි සේවයේ හිටපු අධ්යක්ෂ නිලන්ත ජයවර්ධන වෙත නියම කරනු ලැබූ රුපියල් මිලියන 75ක වන්දි මුදලින් ගෙවීමට තිබූ ඉතිරි මුදල වන රුපියල් මිලියන 65ක මුදල ගෙවා අවසන් කර ඇති බව ශ්රේෂ්ඨාධිකරණයට දැනුම් දී තිබෙනවා.
නිලන්ත ජයවර්ධනගේ පාසල් සහ විශ්ව විද්යාල මිතුරන් විසින් මෙම මුදල පාස්කු වින්දිතයින්ගේ අරමුදලට බැරකර ඇති බවයි නීතිඥයින් අද (07) දිනයේ ශ්රේෂ්ඨාධිකරණය වෙත දැනුම් දේ ඇත්තේ.
පාස්කු ප්රහාරය වළක්වා ගැනීමට කටයුතු නොකිරීම තුළින් නිලන්ත ජයවර්ධන මූලික මිනිස් අයිතිවාසිකම් උල්ලංඝනය කර ඇතැයි තීන්දු කළ ශ්රේෂ්ඨාධිකරණය ඒ වෙනුවෙන් රුපියල් මිලියන 75ක වන්දියක් ගෙවන ලෙස මිට පෙර නියම කර තිබුණා.
එම වන්දි මුදල සම්පූර්ණයෙන්ම ගෙවා අවසන් කිරීමට අපොහොසත් වීම හේතුවෙන් ඔහුට එරෙහිව නීතිපතිවරයා විසින් අධිකරණයට අපහාස කිරීමේ චෝදනා ගොනු කරනු ලැබුවා.
එම චෝදනාවට අදාළව කරුණු දැක්වීම සඳහා අද (07) දින අධිකරණය හමුවේ පෙනී සිටින ලෙස ශ්රේෂ්ඨාධිකරණය විසින් මීට පෙර නිකුත් කළ නොතීසියකට අනුව නිලන්ත ජයවර්ධන අද දිනයේ අධිකරණය හමුවේ පෙනී සිටියා.
පූජිත හා නිලන්ත තම ජීවිතකාලයේ හම්බකරපුවාගෙන් නොව පරම්පරා දේපොල විකුනා මේ දඩ ගෙවන්න ඇති.වගවීම පිලිබදව අලුතෙන් පත්වෙන නිළදාරීන් ද ක්රියාවෙන් පෙන්වියයුතුබව හිතට ගත යුතුය.මේ සියල්ලට වගකියන්න ඕන මයිත්රීපාල.ඒ වගේම මේ ප්රහාරය එල්ලකරපු කිසිවෙකුත් දඩුවම්ලබා නෑ.ඒ අයට දියයුතු දඩුවම මුදලින් මෙන්ම ජීවිතයෙන්ම වියයුත්තක් .