යල කන්නයේ දී සාර්ථක අස්වැන්නක් ලබාගැනීමට හැකි වූ බැවින් නියඟය සහ ගංවතුර පැමිණිය ද රට තුළ සහල් හිඟයක් ඇති නොවන බව කෘෂිකරම අමාත්ය මහින්ද අමරවීර පවසනවා.
ඒ අනුව කිසිඳු අවස්ථාවක සහල් ආනයනය කිරීමට අවශ්ය නොවන බවයි අමාත්යවරයා වැඩිදුරටත් සඳහන් කළේ.
මෙවර කන්නයේ දී ගොවියා තුළ විශ්වාසය ඇතිවන පරිදි පොහොර ඇතුළු පහසුකම් ලබාදීමට කටයුතු කරන බව ද අමාත්යවරයා පැවසුවා.
මහ කන්නය ආරම්භ කිරීමට ප්රථමයෙන් අනුරාධපුර ඓතිහාසික ජය ශ්රී මහා බෝධීන් වහන්සේ හා රුවන්වැලි සෑ රදුන් වැඳපුදා ගැනීමෙන් අනතුරුව මාධ්ය වෙත අදහස් දක්වමින් අමාත්යවරයා මෙම අදහස් පළ කළා.
අටමස්ථානාධිපති පූජ්ය ආචාර්ය පල්ලේගම හේමරතන නායක හිමියන් සහ රුවන්වැලි සෑ විහාරාධිකාරි පූජ්ය ඊතල වැටුණු වැවෙි ඤාණතිලක නායක හිමියන් බැහැ දැක ආශිර්වාද ලබා ගනු ලැබීමෙන් අනතුරුව ඉදිරි මහ කන්නය හා කෘෂිකර්ම සැලැස්ම පිළිබඳව නා හිමිවරුන්ව දැනුවත් කිරීමටයි අමාත්යවරයා කටයුතු කළේ.
ප්රමිතියෙන් තොර බීජ ආනයනය කරන සමාගම් අසාදුලේඛන ගත කිරීමට කටයුතු කරන බවත්, මෙවර අයවැයේ දී ගොවියාට සහ රාජ්ය සේවකයින්ට සාධාරණයක් වන ආකාරයට සහන සැලසීම පිළිබඳව අදාළ අංශ දැනුවත් කර ඇති බව ද කෘෂිකර්ම අමාත්යවරයා මෙහිදී සඳහන් කළා.
wpDiscuz
