ශ්‍රී ලංකා පොදුජන පෙරමුණේ පැවති ප්‍රවෘත්ති සාකච්ඡාවේදී මාධ්‍යවේදියෙකු නැගූ ප්‍රශ්නයකට පිළිතුරු ලබාදෙමින් ඔහු මේ බව සඳහන් කළේය.
නිමල් ලාන්සා රාජ්‍ය අමාත්‍යවරයා සිය පෞද්ගලික කාර්යය මණ්ඩලය අමාත්‍යාංශයෙන් ඉවත් කරගෙන අමාත්‍ය ධූරයෙන් ඉවත්වීමට සැරසෙන බවට ඊයේ (16) පළවූ පුවත්පත් කිහිපයක තොරතුරු වාර්තා කර තිබුණි.
ඒ සම්බන්ධයෙන් අදහස් දැක්වූ රාජ්‍ය අමාත්‍ය සනත් නිශාන්ත මහතා පැවසුවේ,
“ඒ රාජ්‍ය ඇමතිතුමයි අමාත්‍යාංශ ලේකම්තුමයි අතර වෙච්ච ගැටලුවක් තියෙන්නේ. හිත් රිදීමක් තියෙන්නේ. අපි විශ්වාස කරනවා මේ වෙද්දි ඇමතිතුමාට ගැලපෙන වෙනත් අමාත්‍යාංශ ලේකම්තුමෙක් දාලා දෙයි කියලා.
නිමල් ලාන්සා ඇමතිතුමාටත් තිබුණා බඩුමුට්ටු අකුලගෙන යන්නේ නැතුව..මං තරහම තරහයි.. මං යනවා යන්න කියලා අපි චූටි කාලේ එහෙම නැඟිටලා ගියා. ඇමතිකම් එහෙම කරන්න බෑ.
පොඩි කාලේ කුට්ටම් බත් උයනවා වගේ අමතිකම් කරන්න බැහැ නේ.පොඩි කාලේ එහෙම කරන්න පුලුවන්.
ඒ නිසා මේ රජය ආරක්ෂා කරන එක අපි හැමෝගෙම වගකීමක්. ඒ ඇමතිතුමා කරපු දේ හරියි කියලා කියන්න පුළුවන් තත්ත්වයක් නෑ.”
