මේ වනවිට (16) ඉන්දියාව තුළ නිපා (Nipah) වෛරසය පැතිරීම වේගවත් ව තිබෙන අතර; මේ වසරට සිදු වූ දෙවැනි මරණය ද එරට තුළ වාර්තා වී තිබෙනවා.
රොයිටර්ස් පුවත් සේවය පැවසුවේ; මෙම මරණය කේරළ ප්‍රාන්තයෙන් වාර්තා වන බවයි.
දකුණු ඉන්දියාවේ කේරළ ප්‍රාන්තයේ 24 හැවිරිදි සිසුවෙකු නිපා වෛරසයෙන් මියගොස් ඇති බව ප්‍රාදේශීය වෛද්‍ය නිලධාරියෙක් පවසා තිබෙනවා.
මෙම පුද්ගලයා සමග සමීප ඇසුරුකම් පැවැත්වූ 151 දෙනෙකු මේ වනවිට වෛද්‍ය පරීක්ෂණ සඳහා යොමු කර ඇති බවත් සඳහන්.
ජුලි මාසයෙන් පසු කේරළයේ නිපා රෝගයෙන් සිදු වූ දෙවන මරණය මෙයයි.
ලෝක සෞඛ්‍ය සංවිධානය (WHO) විසින් නිපා ප්‍රමුඛ රෝග කාරකයක් ලෙස වර්ගීකරණය කර ඇත්තේ එයට වසංගතයක් ඇති කිරීමට ඇති හැකියාව නිස බවයි සඳහන් වන්නේ.
ආසාදනය වැළැක්වීමට එන්නතක් නොමැති අතර එය සුව කිරීමට ප්‍රතිකාර ද නොමැති බවයි රොයිටර්ස් සටහනේ දැක්වෙන්නේ.
