ශ්‍රි ලංකා නිදහස් පක්ෂයේ ගාල්ල දිස්ත්‍රික්කයේ හිනිදුම ආසන සංවිධායක ලෙස කටයුතු කළ සම්පත් ගමගේ නැමැත්තා පහර දී ඝාතනය කර තිබෙනවා.
ඔහු පදිංචිව සිටි හෝමාගම, පනාගොඩ සමඟි මාවතේ පිහිටි නිවසේ දී මෙම ඝාතනය සිදුකර ඇති බවයි මීගොඩ පොලිසිය පැවසුවේ.
මෙම පුද්ගලයා අනියම් සම්බන්ධයක් පැවැත් වූ කාන්තාවක් විසින් දින කිහිපයකට පෙර ඔහුව ඝාතනයට කරන බවට දුරකථන පණිවුඩයක් ඒවා ඇති බවට කරුණු අනාවරණය වූ බවයි පොලිසිය වැඩිදුරටත් පැවසුවේ.
ඝාතනයට ලක් වූ පුද්ගලයා අද (17) පනාගොඩ නිවසේ රැඳී සිටිය දී ත්‍රීරෝද රථයකින් පැමිණි පුද්ගලයෙකු මුගුරකින් හිසට පහර දී සති බවට තොරතුරු වාර්තා වනවා.
පහර කෑමෙන් බරපතල තුවාල ලැබූ ඔහු හෝමාගම මූලික රෝහලට ඇතුළත් කිරීමෙන් පසු මියගොස් ඇති බවයි තොරතුරු වාර්තා වුණේ.
ඝාතනය සිදුකළ සැකකරු මෙතෙක් හදුනා ගෙන නොමැති අතර, සිද්ධිය සම්බන්ධයෙන් මීගොඩ පොලිසියේ අපරාධ විමර්ශන ඒකකය පරීක්ෂණ පවත්වනවා.
ඝාතනයට ලක් වූ පුද්ගලයා ශ්‍රී ලංකා නිදහස් පක්ෂයේ හින්ඳුම ආසනයේ ප්‍රධාන සංවිධායකවරයා ලෙස කටයුතු කර, සති දෙකකට පමණ පෙර සමගි ජන බලවේගය ජනාධිපති අපේක්ෂක සජිත් ප්‍රේමදාසට සහාය පළකිරීමට කටයුතු කර තිබුණා.
JVP attack