හෙටට යෙදී ඇති 75 වන ජාතික නිදහස් සැමරුම වෙනුවෙන් සිරකරුවන් 588 දෙනෙකුට ජනාධිපති සමාව හිමිවීමට නියමිතව තිබෙනවා.
මත්ද්‍රව්‍ය චෝදනා සම්බන්ධයෙන් අධිකරණය මගින් දඩුවම් ලබා පුනරුත්තාපනය වන සිරකරුවන් පිරිසක් මීට අයත් බවටයි වාර්තා වන්නේ.
එමෙන්ම බන්ධනාගාරය තුල යහපත් කල්ක්‍රියාවෙන් සිටි සිරකරුවන් 31 දෙනෙකු හෙට දිනයේ ජනාධිපති සමාව ලබා නිදහස් වීමට නියමිත බවයි බන්ධනාගාර දෙපාර්තමේන්තුව සඳහන් කළේ.
මෙම සිරකරුවන් නිදහස් කිරීමට අදාළ චක්‍රලේඛය ද නිකුත් කළ බවයි බන්ධනාගාර දෙපාර්තමේන්තුව කියාසිටියේ.
