පසුගිය වසරේ නොවැම්බර් මාසයේ දී දිවයිනට බලපෑ දිට්වා සුළි කුණාටුව හේතුවෙන් නාවලපිටියේ සිට ගම්පොළ දක්වා වූ කොටසේ ස්ථාන 37ක් හානියට පත්වුණා.
දුම්රිය දෙපාර්තමේන්තුවේ වැඩ ඒකකය මගින් එහි ස්ථාන 30ක අලුත්වැඩියාවන් සිදුකර අවසන් කළත්, විශාල වශයෙන් හානියට පත් වූ ස්ථාන 06ක ප්රතිසංස්කරණ කටයුතු පසුගිය අගෝස්තු මාසයේ ආරම්භ කර තිබෙනවා.
වරකාපිටිය දුම්රිය උපපොළ අසල විශාල ලෙස හානියට පත් වූ දුම්රිය මාර්ගය, ප්රතිසංස්කරණය කිරීමේ ව්යාපෘති භාර ඉංජිනේරුවරයා පවසන්නේ නොවැම්බර් මස පළමු සතිය තුළ අලුත්වැඩියාවන් අවසන් කිරීමට බලාපොරොත්තු වන බවයි.
එමෙන්ම දැඩි ලෙස නායාමට ලක් වූ මෙම ස්ථානයට, ඉහළින් පිහිටි කඳු පන්තියෙහි ඇති අනතුරුදායක ජලය, කඳු පන්තිය අඩි 60ක් පමණ අභ්යන්තරයට විද, සුවිශේෂී නල පද්ධතිය යොදා එම ජලය ඉවත් කරන බවත්, ඉදිකිරීමෙන් අනතුරුව නැවත මෙවැනි නායයෑමකට ලක් නොවන ලෙස දුම්රිය මාර්ගය සකස් කිරීමට බලාපොරොත්තු වන බවත් ව්යාපෘති භාර ඉංජිනේරුවරයා වැඩිදුරටත් පවසා තිබෙනවා.
