කොළඹ – පිටකොටුව පාවෙන වෙළෙඳ සංකීර්ණය ආශ්‍රිත ව පිහිටි ජලාශයෙන් නාඳුනන පිරිමි පුද්ගලයෙකු මළසිරුරක් සොයාගෙන තිබෙනවා.
අද (02) පෙරවරුවේ මෙම මළසිරුර සොයාගෙන ඇති අතර ඔහු දියෙහි ගිලී පාවෙමින් සිටියදියි එම ප්‍රදේශයේ වෙළෙන්දන් දැක ඒ පිළිබඳ ව පොලිසියට දැනුම්දී ඇත්තේ.
එම අවස්ථාවේ දී ම මරදාන පොලිස් නිලධාරින් මෘත ශරීරය තිබෙන ස්ථානය පැමිණ පරීක්ෂණ ආරම්භ කර තිබෙනවා.
කෙසේවෙතත් මෙම මරණය ඝාතනයක් ද, සියදිවි නසා ගැනීමක් ද නැතහොත් වෙනත් හේතුවක් දැයි මෙතෙක් නිශ්චිත ව අනාවරණය වී නැහැ.
පොලිස් මාධ්‍ය ප්‍රකාශක කාර්‍යාලය පැවසුවේ සිද්ධිය සම්බන්ධයෙන් පුළුල් විමර්ශන කටයුතු ආරම්භ කර ඇති බවයි.
