ඇමරිකානුවන්ට නිදහසේ ස්නානය කිරීමට නොහැකිවන අයුරින් පනවා තිබූ සීමාවන් අවලංගු කිරීමට ඩොනල්ඩ් ට්රම්ප් ජනධිපතිවරයා පසුගිය දා කටයුතු කර තිබෙනවා.
ඒ, ෂවර් හෙඩ් සඳහා ජල ප්රවාහය සීමා කරන නීති ලිහිල් කිරීම අරමුණු කරගත් විධායක නියෝගයකට අත්සන් කරමින්.
ඔහුට දිගු කලක් තිස්සේ ඇමරිකානුවන්ගෙන් ලැබුණු පැමිණිලි සැලකිල්ලට ගෙන මෙම විධායක නියෝගයකට අත්සන් තබා ඇති බවයි වාර්තා වන්නේ.
මෙම නියෝගයෙන්, ෂවර් හෙඩ් හරහා ගලා යාමට අවසර දී තිබූ මිනිත්තුවකට ගැලුම් ගණන සම්බන්ධයෙන් හිටපු ජනාධිපතිවරුන් වන බැරැක් ඔබාමා සහ ජෝ බයිඩන් යටතේ පනවා තිබූ සීමාවන් අවලංගු කර තිබෙනවා.
නාන කාමරවලට ලැබෙන ජල පීඩනය අවම කිරීමට නීති ඔබාමා සහ බයිඩන් පරිපාලන සමයේදී සකස්කර ඇති අතර, ජල සංරක්ෂණ නීති ඊට හේතු වී තිබෙනවා.
ට්රම්ප් විසින් අත්සන් තැබූ විධායක නියෝගයට අනුව මෙම ජල සංරක්ෂණ නීති වෙනස් වනු ඇති බවයි විදෙස් මාධ්ය පවසන්නේ.
“මම හරි ආසයි මගේ කාණ්ඩේ ලස්සනට තියා ගන්න. හොඳ වතුර පීඩනයක් නැතිව මට ස්නානය කිරීම ගැටලුවක්. මට පමණක් නොවෙයි, මං දන්නවා හැම ඇමරිකානුවන්ට ඒක ගැටලුවක්. ඉතිං නාන්න යද්දී හොඳ ජල පීඩනයක් අවශ්යයි. ඉක්මණින් ජලය ලැබීම අවශ්යයි. මම ෂවර් හෙඩ් එක යට විනාඩි 15ක් සිටගෙන එය තෙත් වන තුරු සිටිනවා. එය බිංදු, බිංදු, බිංදු ලෙස පිටතට පැමිනෙන්නේ එය හාස්යජනකයි.” යනුවෙන් මෙම විධායක නියෝගයකට අත්සන් තබමින් ට්රම්ප් පවසා සිටියා.
