ජනවාරි පළමු වැනිදා උත්සවශ්රීයෙන් සැමරුම් සිදු කළද දිට්වා සුළි කුණාටුව නිසා දශලක්ෂ ගණනක් ජනතාව විපතට පත් වී මරණ සිදුවීම මෙන්ම අතුරුදන් වීම් ද සිදු වූ බවත්, මෙම නව වසරේ දී විපතට පත් ජනතාවට ලබා දීමට පොරොන්දු වූ සහන ඒ ආකාරයෙන්ම ලබා දිය යුතු බවත්, විපක්ෂ නායක සජිත් ප්රේමදාස පවසනවා.
ඔහු මේ බව කියා සිටියේ සමගි ජන බලවේගය විසින් ක්රියාත්මක හුස්ම වැඩසටහන යටතේ කරවනැල්ල මුලික රෝහලට රු. ලක්ෂ 28ක් වටිනා රෝහල් උපකරණ ලබා දීමේ අවස්ථාවට එක්වෙමින්.
බිලියන 500ක ඇස්තමේන්තුවක් මෙන්ම පරිපූරක ඇස්තමේන්තුවක්ද ඇති බවත් මේ මුදල් නියමිත පරිදි ලක්ෂ 50, ලක්ෂ 10, ලක්ෂ 100 ආදී ලෙස දෙනවා කියූ සහන ලබා දී ශක්තිමත් යාන්ත්රණයක් හරහා කාර්යක්ෂමව සහන සැලසිය යුතු බවත් විපක්ෂනායක වරයා මෙහිදී වැඩිදුරටත් මාධ්ය වෙත අදජස් දක්වමින් පවසා සිටියා.
