ශ්රී ලංකාවට පත්ව සිටින නව තානාපතිවරු සිව්දෙනෙක් සහ මහකොමසාරිස්වරු දෙදෙනෙක් අද (20) පෙරවරුවේ ජනාධිපති කාර්යාලයේ දී ජනාධිපති අනුර කුමාර දිසානායක වෙත සිය අක්තපත්ර භාර දුන්නා.
ඒ අනුව,
පැපුවා නිව්ගිනියා ස්වාධීන රාජ්යයේ මහකොමසාරිස් ලෙස Vincent Sumale (නවදිල්ලියේ නේවාසික)
සෝමාලියානු ෆෙඩරල් ජනරජයේ තානාපති ලෙස Abdullahi Mohammed Odowa (නවදිල්ලියේ නේවාසික)
ලක්සම්බර්ග් ජනරජයේ තානාපති ලෙස Christian Biever (නවදිල්ලියේ නේවාසික)
වතිකානයේ අපෝස්තලික තානාපති ලෙස Monsignor Andrzej Józwowicz පියතුමා
පාකිස්ථාන ඉස්ලාමීය ජනරජයේ මහකොමසාරිස් ලෙස විශ්රාමික මේජර් ජෙනරාල් Nayyar Naseer
කුවේට් රාජ්යයේ තානාපති ලෙස Saleh Mubarak Al-Sarawi
මෙසේ ජනපතිවරයා වෙත සිය අක්තපත්ර භාර දෙනු ලැබුවා.
අක්තපත්ර පිළිගැනීමෙන් අනතුරුව ජනාධිපතිවරයා ඔවුන් සමඟ සුහද කතාබහකද නිරත වූ අතර, විදේශ කටයුතු, විදේශ රැකියා සහ සංචාරක අමාත්ය විජිත හේරත් සහ ජනාධිපති ලේකම් ආචාර්ය නන්දික සනත් කුමානායක යන අය ද මෙම අවස්ථාවට සහභාගීව සිටියා.
