කිසිදු භේදයකින් තොරව රටේ යහපැවැත්ම හා මහජන අභිලාෂයන් ඉටුකරනු ලබන පරමාදර්ශී පාර්ලිමේන්තුවක් බවට පත්කිරීම සඳහා සැමගේ සහාය ඉල්ලා දිටින බව අභිනව කතානායක ජගත් වික්රමරත්න පවසනවා.
කතානායක තනතුර සඳහා පත්වීමෙන් පසු පාර්ලිමේන්තු සභාව අමතමින් ඔහු මේ බව සඳහන් කළා.
එමෙන්ම තමන් මෙම ධුරයට පත්කර ගැනීම සම්බන්ධයෙන් සහ සුභපැතුම් එක්කළ සැමට ස්තූතිය පුදකර සිටින බවයි කතානායකවරයා මෙහි දී සඳහන් කර සිටියේ.
කතානායක ධුරයේ කාර්යයන් ඉටු කිරීම සඳහා පක්ෂ විපක්ෂ භේදයකින් තොරව සියලු මන්ත්රීවරුන්ගේ සහයෝගය ඉතා වැදගත් වන බව පැවසූ නව කතානායකවරයා අන්යෝන්යය අවබෝධයෙන් තොරව මහජන අභිලාෂ මුදුන්පත් කිරීම සඳහා සියලු දෙනාගේ සහයෝගය බලාපොරොත්තුවන බව පවසා සිටියා.
එමෙන්ම මෙම තමන් උත්තරීතර නිලය දරන තුරු, මහජන නියෝජිතයන් ලෙස සියලු මන්ත්රීවරුන්ගේ අයිතීන් ආරක්ෂා කිරීම සඳහා උපරිම ශක්ති ප්රමාණයෙන් කැපවෙන බව ද ඔහු මෙහිදී සඳහන් කළා.
ඊට අමතරව පාර්ලිමේන්තුව පරමාදර්ශී පාර්ලිමේන්තුවක් බවට පත්කිරීමට සැමගේ සහාය ද කතානායක ජගත් වික්රමරත්න ඉල්ලා සිටියා.
Good