විදේශීය රටවල නිෂ්පාදිත අති නවීන ගිනිඅවි සහ ජීව උණ්ඩ සමඟ පුද්ගලයෙක් අත්අඩංගුවට ගෙන තිබෙනවා.
කළුතර දකුණ පොලිස් වසමේ, නාගොඩ, කුව්න්ස් රෙසිඩන් ප්රදේශයේ ඊයේ (17) සිදුකළ වැටලීමක දී මෙම අවි ආයුධ සොයාගැනීමට විශේෂ කාර්ය බලකායට හැකිව තිබෙනවා.
ඒ, අනුව ඇමරිකාවේ නිෂ්පාදිත බෝර 12 අවියක්, බෝර 12 අවියක ක්රියාකාරි කොටසක්, ජර්මන් නිෂ්පාදිත මැගසින් එකක් සහිත පිස්තෝල අවි 01ක්, ජපානයේ නිෂ්පාදිත මැගසින් එකක් සහිත වායු පිස්තෝලයක්, මිලි මීටර් 09 වර්ගයේ ජීව උණ්ඩ 51ක්, 0.38(SPECIAL) වර්ගයේ ජීව උණ්ඩ 16ක්, බෝර 12(SG) වර්ගයේ ජීජිව උණ්ඩ 11ක් සහ ආරක්ෂක අංශ භාවිත කරන යතුරු සහිත මාංචු කුට්ටමක් මෙහිදී පොලිසිය විසින් සොයාගෙන ඇති බවයි වාර්තා වන්නේ.
අත්අඩංගුවට ගැනුණු සැකකරු වැඩිදුර විමර්ශන කටයුතු සඳහා කළුතර දකුණ පොලිස් ස්ථානය වෙත භාරදීමටයි කටයුතු කර ඇත්තේ.
