නවගමුව පොලිස් වසමේ කොරතොට ප්රදේශයේ දී පසුගිය 16 වනදා පුද්ගලයෙකුට වෙඩි තබා ඝාතනය කිරීමේ සිද්ධිය සම්බන්ධයෙන් සැකකරුවන් දෙදෙනෙක් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ වෙඩික්කරු පැමිණි යතුරුපැදියේ පැදිකරු හා එම අපරාධය සිදුකිරීමට ආධාර අනුබල දුන් තවත් පුද්ගලයෙක්.
ඊයේ (19) පස්වරුවේ බියගම පොලිස් වසමේ දෙල්ගොඩ ප්රදේශයේදී සහ නවගමුව පොලිස් වසමේ වඳුරම්මුල්ල ප්රදේශයේ දී අපරාධයට යොදා ගත් යතුරුපැදිය ද සමඟ මොවුන් දෙදෙනා අත්අඩංගුවට ගෙන තිබෙනවා.
අත්අඩංගුවට ගැනුණු සැකකරුවන් අවුරුදු 21 හා 29 වයස්වල පසුවන රණාල හා පල්ලම ප්රදේශවල පදිංචිකරුවන් බවයි වාර්තා වන්නේ.
මෙම අපරාධය සම්බන්ධයෙන් හෝමාගම කොට්ඨාස අපරාධ විමර්ශන කාර්යංශයේ නිලධාරීන් විසින් ආරම්භ කර ඇති විමර්ශන වල ප්රතිඵලයක් ලෙස මෙම සැකකරුවන් දෙදෙනා අත්අඩංගුවට ගෙන තිබෙනවා.
මෙම වෙඩි තැබීමෙන් වයස අවුරුදු 26ක පුද්ගලයෙක් ජීවිතක්ෂයට පත් වුණා.
