රුපියල් දස දහසක් ඉල්ලා එය නොදුන්නා යැයි උරණ වී කාන්තාවකගේ කරාබු යුගලය කොල්ල කා, ගෙල පාදයෙන් සිරකොට ඝාතනය කළ පුද්ගලයෙක් අත්අඩංගුවට ගත් බව කොට්ටාව පොලිසිය පවසනවා.
නවගත්තේගම ප්රදේශයේ ම පදිංචි වයස අවුරුදු 30 ක් වන පුද්ගලයෙකු මෙලෙස අත්අඩංගුවට ගැනුණා.
ඝාතනයට ලක් වූ කාන්තාවගේ දියණියගේ සැමියාට අයත් බ්ලොක් ගල් ව්යාපාරයක කම්කරුවෙකු ලෙස සේවය කළ අයෙකු මෙලෙස අත් අඩංගුවට ගෙන ඇති බවටයි මූලික පොලිස් විමර්ශනවල දී හෙළි ව ඇත්තේ.
මෙම පුද්ගලයා විසින් මියගිය කාන්තාව පමණක් රැඳී සිටි නිවසට පැමිණ රුපියල් දස දහසක් ඉල්ලා තිබෙනවා.
එවැනි මුදලක් දීමට තමන් සතුව මුදල් නොමැති බව පැවසීමත් සමග දෙදෙනා අතර බහින්බස්වීමක් සිදුව ඇති බවයි පොලීසිය සඳහන් කළේ.
මෙසේ මියගොස් ඇත්තේ කොට්ටාවේ පදිංචි දෝන ලීලා අබේරත්න නමැති 76 හැවිරිදි කාන්තාවක් .
සිද්ධිය සම්බන්ධයෙන් කොට්ටාව පොලිස් විමර්ශන ක්රියාත්මකයි.
