නවක වෛද්යවරුන් 406ක් ලබන 27 වනදාට පෙර සීමාවාසික පුහුණුව සඳහා එක්කරමින් මෙරට සෞඛ්ය සේවයට බඳවාගැනීමට නියමිත බව සෞඛ්ය අමාත්ය කෙහෙළිය රඹුක්වැල්ල පවසනවා.
එමෙන්ම හෙද සේවාව සඳහා ඉදිරි මාසය වනවිට 2200ක් බඳවා ගැනීමට කටයුතු කරන බවයි අමාත්යවරයා වැඩිදුරටත් සඳහන් කළේ.
තුම්පනේ ප්රාදේශීය සම්බන්ධීකරණ කමිටු රැස්වීමට එක්වෙමින් සෞඛ්ය අමාත්යවරයා මේ බව පවසා සිටියා.
සෞඛ්ය සේවා නිලධාරීන් 222ක් සඳහා පසුගිය දා පත්වීම ලබාදුන් බවත්, තවත් 600ක් පමණ පිරිසක් පුහුණු කරමින් මෙම සේවාව සඳහා එක්කර ගැනීමට නියමිත බවයි කෙහෙළිය රඹුක්වැල්ල අමාත්යවරයා වැඩිදුරටත් අදහස් දක්වමින් මෙහි දී පැවසුවේ.
එළබෙන අගෝස්තුව සහ සැප්තැම්බර් වනවිට සෞඛ්ය සේවාව ජනතාවට ඉහළ බලාපොරොත්තු තබාගත හැකි සාධනීය තත්ත්වයකට පත්වනු ඇති බවත් ඔහු සඳහන් කර සිටියා.
