විභාග වෙමින් පැවැති නඩුවකට අදාළ නඩු භාණ්ඩවලට හානි කළ නීතිඥවරුන් දෙදෙනෙකුට එරෙහි ව කැකිරාව සෞඛ්ය වෛද්ය නිලධාරීවරයාගෙන් නඩුවක් ගොනු කර තිබෙනවා.
අප ප්රාදේශීය වාර්තාකරු පැවසුවේ; කැකිරාව සෞඛ්ය වෛද්ය නිලධාරී කාර්යාලය මගින් කැකිරාව මහේස්ත්රාත් අධිකරණය හමුවේ ගොනුකර විභාග වෙමින් පවතින නඩුවකට අදාළ නඩු භාණ්ඩවලට මෙලෙස හානි පමුණුවා ඇති බවයි.
නීතිඥවරු දෙදෙනෙකුට එරෙහි ව වූ එම නඩුව කැකිරාව සෞඛ්ය වෛද්ය නිලධාරී අසිත කෝසල තනිප්පුලිආරච්චි මහතා විසින් අධිකරණය හමුවේ ගොනු කෙරුණා.
කැකිරාව සෞඛ්ය වෛද්ය නිලධාරී කාර්යාලයෙන් අප කළ විමසීක දී එහි ප්රකාශකයකු කියා සිටියේ මෙලෙස නඩු පැවරීමට ලක් ව ඇති නීතිඥවරු දෙදෙනා; කැකිරාව මහේස්ත්රාත් අධිකරණයේ ගොනු කර විභාග වෙමින් පැවැති නඩුවක විත්ති පාර්ශ්වයේ ව්යාපාරිකයකු වෙනුවෙන් අධිකරණය හමුවේ පෙනී සිටි නීතිඥයින් දෙදෙනෙකු බවයි.
ඉකුත් දා කැකිරාව සෞඛ්ය වෛද්ය නිලධාරී කාර්යාලය මගින් සිදු කළ වැටලීමක දී කැකිරාව ගනේවල්පොල ප්රදේශයේ ව්යාපාරික ස්ථානයක තිබී වස යෙදූ බව කියන රුපියල් කෝටි ගණනක් වටිනා පාන් පිටි තොගයක් ඇතුළු ආහාර ද්රව්ය තොගයක් කැකිරාව සෞඛ්ය වෛද්ය නිලධාරිවරයා ප්රමුඛ නිලධාරීන් පිරිසක් විසින් අත්අඩංගුවට ගැනුණා.
කැකිරාව මහේස්ත්රාත් අධිකරණය මගින් ඒ සම්බන්ධයෙන් ස්ථානීය මහේස්ත්රාත් පරීක්ෂණයක් ද සිදු කර තිබෙනවා.
ඒ අනුව, අදාළ සිද්ධිය සම්බන්ධයෙන් කැකිරාව මහේස්ත්රාත් අධිකරණයේ දී අදාළ ව්යාපාරිකයාට එරෙහි ව නඩු පැවැරීමට කැකිරාව සෞඛ්ය වෛද්ය නිලධාරීවරයා විසින් පියවර ගැනුණා.
අදාළ නඩුව අධිකරණය හමුවේ විභාග වෙමින් පවතින අතරතුර දී එකී නඩුවේ විත්තිකාර ව්යාපාරිකයා වෙනුවෙන් පෙනී සිටි නීතිඥවරුන් දෙදෙනෙකු එම නඩුවට අදාළ නඩු භාණ්ඩවලට හානි කර තිබූ බව ද, එලෙස නඩු භාණ්ඩවලට හානි කිරීමේ චෝදනා යටතේ අදාළ නීතිඥවරුන් දෙදෙනාට එරෙහිව සෞඛ්ය වෛද්ය නිලධාරිවරයා විසින් මෙලෙස නඩු පවරා ඇති බවත් එම ප්රකාශකයා වැඩිදුරටත් සඳහන් කළා.
