සිය සේවා කාලය අවසන් කර ධුරයෙන් නික්ම යන ශ්රී ලංකාවේ ඉන්දීය නියෝජ්ය මහ කොමසාරිස් (වෛද්ය) සත්යාංජල් පාණ්ඩේ , කථානායක ජගත් වික්රමරත්න හමු වුණා.
පාර්ලිමේන්තුවේදී පසුගියදා (01) පැවැති මෙම හමුව සඳහා පාර්ලිමේන්තුවේ මහලේකම් කුෂානි රෝහණදීරද එක්ව සිටියා.
මෙම හමුවේදී, ධුරයෙන් නික්ම යන නියෝජ්ය මහ කොමසාරිස්වරයා, ඉන්දියාව සහ ශ්රී ලංකාව අතර පවත්නා සුහද පාර්ලිමේන්තු සබඳතා සහ දිගුකාලීන මිත්රත්වය තවදුරටත් ශක්තිමත් කිරීම සඳහා ලබාදුන් සහයෝගය සහ මඟපෙන්වීම වෙනුවෙන් කථානායකවරයා වෙත සිය කෘතඥතාව පළ කළා.
එමෙන්ම, දෙරටේ ව්යවස්ථාදායකයන් අතර සම්බන්ධතා සහ සහයෝගීතාව වර්ධනය කිරීම සඳහා ලබාදුන් සහයෝගය වෙනුවෙන් පාර්ලිමේන්තුවේ මහලේකම් කුෂානි රෝහණදීර සහ පාර්ලිමේන්තු කාර්ය මණ්ඩලයට ද ඒ සිය ස්තුතිය පළ කරනු ලැබුවා.
වෛද්ය පාණ්ඩේ ශ්රී ලංකාව තුළ ඉටුකළ සේවය මෙහිදී, කථානායකවරයාගේ ඇගයීමට ලක්වූ අතර, අසීරු අවස්ථාවන්වලදී ශ්රී ලංකාවට ලබාදුන් සහයෝගය වෙනුවෙන් ඉන්දියානු රජයට සහ ජනතාවට එතුමා සිය ස්තුතිය පුද කළා.
විශේෂයෙන්ම, මෑතකදී මෙරටට බලපෑ දිට්වා සුළි කුණාටුවෙන් පසුව ඉන්දියාව ලබාදුන් සහාය මෙන්ම, මැදපෙරදිග කලාපයේ
පවතින අර්බුදකාරී තත්ත්වය හේතුවෙන් මතුව ඇති අභියෝග හමුවේ ලබාදෙන අඛණ්ඩ සහයෝගය ද මෙහිදී කථානායකවරයාගේ විශේෂ ඇගයීමට ලක්වුණා.
එමෙන්ම, පාර්ලිමේන්තු මන්ත්රීවරයන් සහ පාර්ලිමේන්තු කාර්ය මණ්ඩලයේ ප්රගතිය උදෙසා ඉන්දියාව විසින් ලබාදෙන පුහුණු සහ ධාරිතා සංවර්ධන වැඩසටහන් පිළිබඳව ද කථානායකවරයා සිය කෘතඥතාව පළ කළා.
නියෝජ්ය මහ කොමසාරිස් වෛද්ය පාණ්ඩේ මහතා, ගරු නියෝජ්ය කථානායක, වෛද්ය රිස්වි සාලි ද හමු වූ අතර, ශ්රී ලංකාවේදී සිය සේවා කාලය තුළ ලබාදුන් සහය පිළිබඳව සිය කෘතඥතාව පළ කළා.
නියෝජ්ය කථානායකවරයා, වෛද්ය පාණ්ඩේ දෙරට අතර ද්විපාර්ශ්වික සබඳතා ශක්තිමත් කිරීම සඳහා ලබාදුන් දායකත්වය ඇගයීමට ලක් කළ අතර, දෙරට අතර පාර්ලිමේන්තු සහයෝගීතාව වර්ධනය කිරීම උදෙසා ඒ මහතා ගත් උත්සාහයන් වෙනුවෙන් ද සිය ස්තුතිය ප්රකාශ කරනු ලැබුවා.
මෙම සුහද සාකච්ඡාවලදී, ගරු කථානායකවරයා සහ නියෝජ්ය කථානායකවරයා වෛද්ය පාණ්ඩේගේ ඉදිරි කටයුතු සාර්ථක කර ගැනීම සඳහා සිය සුබපැතුම් එක් කළා.
