දේශීය අල, ලොකු ලූනු හා රතු ලූනු ලංකා සතොස ආයතන සහ මෙරට තවත් සුපිරි වෙළඳසල් ජාල දෙකක් විසින් මිල දී ගැනීමට තීරණය කර ඇති බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්යාංශය පවසනවා.
ඒ, අනුව ඔක්තෝබර් මස 02 දින සිට අල, ලොකු ලූනු සහ රතු ලූණු වගා කරන ප්රදේශවල, එම ආයතනවලට අදාළ මධ්යස්ථානයන්වලදී මිල දී ගැනීම් සිදුකරන බවයි දැනුම් දෙන්නේ.
ඒ, අනුව දේශීය අල කිලෝවක් රුපියල් 210කටත්, දේශීය ලොකු ලූනු කිලෝවක් රුපියල් 130කටත් දේශීය රතු ලූනු කිලෝවක් රුපියල් 225ක මිලකටත් ගොවියාගෙන් මිල දී ගැනීමට නියමිතයි.
එමෙන්ම එක් ගොවියෙකුගෙන් අල, ලොකු ලූනු හා රතු ලූනු උපරිම වශයෙන් කිලෝග්රෑම් 2,000ක ප්රමාණයක් බැගින් මිල දී ගන්නා බවයි දැනුම් දෙන්නේ.
මිල දී ගැනීමේ මධ්යස්ථාන පහතින්.
දේශීය අල මිල දී ගැනීම
ලංකා සතොස ආයතනය – කැප්පෙටිපොළ, නුවරඑළිය, බෝගහකුඹුර
කාගිල්ස් ආයතනය – බණ්ඩාරවෙල, නුවරඑළිය, බොරලන්ද
කීල්ස් ආයතනය – කැප්පෙටිපොළ, නුවරඑළිය
ලොකු ලූනු මිල දී ගැනීම
ලංකා සතොස ආයතනය – දඹුල්ල, තඹුත්තේගම
කාගිල්ස් ආයතනය – සීගිරිය, තඹුත්තේගම
කීල්ස් ආයතනය – දඹුල්ල, තඹුත්තේගම
රතු ලූනු මිල දී ගැනීම
ලංකා සතොස ආයතනය – යාපනය ආර්ථික මධ්යස්ථානය
කාගිල්ස් ආයතනය – නොරොච්චෝල, අලවෙඩ්ඩි
කීල්ස් ආයතනය – යාපනය, පුත්තලම
