රක්ෂිත බන්ධනාගාරගත කර සිටින පොලිස්පති දේශබන්දු තෙන්නකෝන් මහතාගේ සිද්ධියට අදාළ නඩුවේ තුන්වැනි සැකකරු වන ඔලිවර් ජගත් නිශාන්ත නමැත්තාට අධිකරණය වරෙන්තු නිකුත් කර තිබෙනවා.
දසත අධිකරණ වාර්තාකාරිණිය පැවසුවේ මෙම නඩුව ඊයේ (03) මාතර මහේස්ත්රාත් අධිකරණය හමුවේ කැඳවූ අවස්ථාවේ දී අරුණ ඉන්ද්රජිත් බුද්ධදාස මහතා පොලිසියට නියෝග කළේ තුන්වැනි සැකකරුව වහාම අත් අඩංගුවට ගෙන අධිකරණය හමුවට ගෙන ආ යුතු බවයි.
නමුත් නඩුවේ තුන්වැනි සැකකරු මේ වනවිට රටින් පලා ගොස් තිබෙන බව පොලිසිය අධිකරණයට දැනුම්දී තිබෙනවා.
මීට අමතර ව මෙම නඩුවේ 09 වැනි සැකකරු ලෙස කොළඹ අපරාධ කොට්ඨාසයේ හිටපු අධ්යක්ෂ නෙවිල් සිල්වා නම් කිරීමට අතිරේක සොලිසිටර් ජනරාල් දිලීප පීරිස් මහතා අධිකරණයෙන් අවසර ඉල්ලා සිටියා.
අධිකරණයෙන් ඊට ද අවසර හිමි වූ අතර නඩුවේ පළමු වන සැකකරු දේශබන්දු තෙන්නකෝන් බැවින් එහි 09 වැනි සැකකරු ලෙස CCD හිටපු අධ්යක්ෂ නෙවිල් සිල්වා ලෙස නම්කෙරුණා.
මීට අමතර ව සිද්ධියට අදාළ ව සාක්කි සම්පිණ්ඩන වාර්තා අපරාධ පරීක්ෂණ දෙපාර්තමේන්තුව විසින් ඊයේ අධිකරණයට ඉදිරිපත් කරනු ලැබුවා.
පොලිස් කාන්තාවක් සහ පොලිස් කොස්තාපල්වරු දෙදෙනකුගේ සාක්ෂි සම්පිණ්ඩන වාර්තා මීට ඇතුළත්.
CCD අධ්යක්ෂ නෙවිල් සිල්වා තමන්ට වාහන ඉල්ලුම්පත් ඇතුළු ලේඛනය පෙර දිනයන් දමා වෙනස් කරන ලෙස දැනුම් දුන් බවයි එකී සාක්ෂිකරුවන් සඳහන් කර ඇත්තේ.
එකී එක් පොලිස් කාන්තාවක් ප්රසුත නිවාඩු ලබා නිවසේ සිටියදී ඇයගේ ම අත් අකුරින් එම ලේඛන වෙනස් කළ යුතු නිසා නිවසට පැමිණ වෙනස් කරගත් බව ද ඇය සිය ප්රකාශයේ සඳහන් කර තිබෙන බවයි දසත අධිකරණ වාර්තාකාරිණිය සඳහන් කළේ.
