අන්තර්කාලීන රජය බලයට පත්වී මාස 13 කට පෙර බංග්ලාදේශය පුරා දේශපාලන ප්රචණ්ඩත්ව සිදුවීම්වලින් අවම වශයෙන් පුද්ගලයින් 160 දෙනෙකු මිය ගොස් 8,050 දෙනෙකු තුවාල ලබා ඇති බව මානව හිමිකම් නිරීක්ෂණ ආයතනයක් සිය වාර්තාවක් මගින් අනාවරණ කර තිබෙනවා.
එම වාර්තාවට අනුව, 2024 අගෝස්තු මාසයේදී හිටපු අගමැතිනි ෂෙයික් හසීනා බලයෙන් පහ කිරීමෙන් සහ මුහම්මද් යූනුස්ගේ නායකත්වයෙන් යුත් අන්තර්කාලීන රජය බලයට පත්වීමෙන් පසු දේශපාලන සංක්රාන්තිය තිබියදීත්, රට තුළ දේශපාලන ප්රචණ්ඩත්වයේ හෝ සමස්ත මානව හිමිකම් තත්ත්වයෙහි සුළු දියුණුවක් දක්නට ලැබෙන්නේ නැහැ.
පසුගිය වසර තුළ දේශපාලන ගැටුම්, මැර ප්රහාර, කාන්තාවන්ට එරෙහි ප්රචණ්ඩත්වය, මාධ්යවේදීන්ට පහරදීම් සහ ආගමික ආයතනවලට පහරදීම් වැඩිවීමක් සංවිධානය නිරීක්ෂණය කර තිබෙනවා.
2024 සැප්තැම්බර් සහ 2025 සැප්තැම්බර් අතර, දේශපාලන ප්රචණ්ඩත්ව සිදුවීම් 1,047 ක් වාර්තා වී තිබෙනවා.
මානව හිමිකම් පිරිහීම පිළිබඳව දැඩි කනස්සල්ල පළ කරමින් මානව හිමිකම් සංවිධාන අනතුරු ඇඟවූයේ, දේශපාලන සංස්කෘතිය තුළ නීතියේ ආධිපත්යය සහ වගවීම ශක්තිමත් නොකළහොත් ප්රචණ්ඩත්වය තවදුරටත් වැඩි වනු ඇති බවයි.
