සංවිධානාත්මක අපරාධකරුවෙක් සහ මහා පරිමාණ මත්ද්රව්ය ජාවාරම්කරුවෙක් වන දැනට විදේශ රටකට පලා ගොස් සැඟව සිටින “දෙහි බාලේ “නැමැත්තාගේ මෙරට මත්ද්රව්ය ජාලය මෙහෙයවන ප්රධාන ගෝලයෙක් ඇතුළු දෙදෙනෙක් අයිස් මත්ද්රව්ය ග්රෑම් එකසිය හයක් සමග අද (23) අත්අඩංගුවට ගත් බව කොට්ටාව පොලිසිය පවසනවා.
මෙලෙස අත්අඩංගුවට ගෙන ඇත්තේ කොට්ටාව, මෙත්තාරාම ප්රදේශයේ පදිංචි “ජනා” නමින් හඳුන්වන පුද්ගලයෙක් සහ තවත් අයෙක්.
කොට්ටාව අවට ප්රදේශ රැසකට මත්ද්රව්ය බෙදා හරින පුද්ගලයෙක් පිළිබඳව විශේෂ කාර්යාංශයේ නිලධාරියක්ට ලද තොරතුරකට අනුව මෙම වැටලීම සිදුකර තිබෙනවා.
එහිදී බෙදා හැරීම සදහා අවශ්ය මත්ද්රව්ය තොගයක් පැකට් කිරීමට සූදානමින් සිටි පුද්ගලයෙක් අයිස් මත්ද්රව්ය ග්රෑම් 100 මිලිග්රෑම් 700ක්, විද්යුත් තරාදියක් , පොලිතීන් පැකට් කිහිපයක්, මත්ද්රව්ය මැනීම සඳහා භාවිතා කරන විශේෂ හැන්දක් හා ජංගම දුරකථනයක් සමඟ පොලිස් භාරයට ගෙන ඇති බවයි වාර්තා වන්නේ.
පසුව එම සැකකරු අත්අඩංගුවට ගෙන සිදුකළ ප්රශ්න කිරීම් වලදී එම ප්රදේශයේම පදිංචි තවත් පුද්ගලයෙක් අයිස් මත්ද්රව්ය ග්රෑම් 05 මිලිග්රෑම් 300 සමග අත්අඩංගුවට ගැනීමට හැකිවූ බවද පොලිසිය සඳහන් කළා.
පසුව සිදුකළ ප්රශ්ණ කිරීම්වලදී කොට්ටාව අතුරුගිරිය පන්නිපිටිය මහරගම මාකුඹුර හෝමාගම මත්තේගොඩ ප්රදේශවලට මහා පරිමාණයෙන් අයිස් මත් ද්රව්ය බෙදා හරින පුද්ගලයකු බවට තොරතුරු අනාවරණය වූ බවත් එම මත්ද්රව්ය දැනට විදේශ රටකට පලා ගොස් සිටින මහා පරිමාණ මත්ද්රව්ය ජාවාරම්කරුවකු වන “දෙහි බාලේ ” නැමැත්තාට අයත් මත්ද්රව්ය බවත් ඒවා අධිවේගී මාර්ගය හරහා දෙවිනුවර ප්රදේශයේ සිට කොළඹට රැගෙන විත් මෙසේ අලෙවි කර ඇතිි බවට තොරතුරු අනාවරණය වී තිබෙනවා.
