දෙහිවල සත්වෝද්යානයේ වාසය කළ වයස්ගත ගැහැණු ජිරාෆ් සත්ත්වයා ඊයේ (18) රාත්රියේ දී මියගොස් ඇති බව ජාතික සත්වෝද්යාන දෙපාර්තමේන්තුව දැනුම් දෙනවා.
නිවේදනයක් නිකුත් කරමින් එම දෙපාර්තමේන්තුව සඳහන් කරන්නේ, මෙම ජිරාෆ් සත්ත්වයා මිය යන විට වයස අවුරුදු තිහකට ආසන්න බවයි.
සාමාන්යයෙන් ජිරාෆ් සත්ත්වයන්ගේ ආයු කාලය වනයේදී වසර 20-25ක් පමණ වන අතර, මනා පරිපාලනයක් සහිත සත්වෝද්යාන පරිසරයක දී ඊට වැඩි කාලයක් ජීවත් විය හැකි බව එම නිවේදනයේ දැක්වෙනවා.
ඒ අනුව මෙම ජිරාෆ් සත්ත්වයා දිගු ආයු කාලයක් භුක්ති විඳ ඇති බව එහි සඳහන්.
මිය යාමට පෙර මෙම ජිරාෆ් සත්ත්වයා සම්බන්ධයෙන් විශේෂ රෝගී තත්ත්වයක් වාර්තා වී නොතිබූ අතර, සත්ත්වයා වයස්ගත වීමත් සමඟ ඇති වූ ස්වභාවික තත්ත්වයක් හේතුවෙන් මෙම මරණය සිදුව ඇති බව නිරීක්ෂණය වන අතර වැඩිදුර පශ්චාත් මරණ පරීක්ෂණ කටයුතු අද දින (19) සිදු කිරීමට නියමිත බවයි ජාතික සත්වෝද්යාන දෙපාර්තමේන්තුව පවසන්නේ.
ජාතික සත්වෝද්යාන දෙපාර්තමේන්තුව විසින් සත්ත්ව සුබසාධනය, ජාන විවිධත්වය පවත්වා ගැනීම සහ සත්ත්ව සංරක්ෂණය සිදු කිරීමේ අරමුණින් ක්රියාත්මක කරන සත්ත්ව හුවමාරු වැඩසටහන් යටතේ, මෙම වසර අවසන් වීමට පෙර නව ජිරාෆ් සතුන් යුගළ දෙකක් ජාතික සත්වෝද්යාන දෙපාර්තමේන්තුව වෙත රැගෙන ඒමට නියමිතයි.
