Rajapura Handi Oil
Rajapura Diabetic Powder

දෙසැම්බර් මුල් සතිය වන තුරු පාසල්වල අමතර නිවාඩු නැහැ

ඉදිරි මාස කිහිපයේ දී පාසල් පැවැත්වීම සම්බන්ධයෙන් විශේෂ තීරණයක් ගෙන තිබෙනවා.

ඒ, අනුව අධ්‍යාපන බලධාරීන් තීරණය කර ඇත්තේ දෙසැම්බර් මස මුල් සතිය වන තුරු අමතර නිවාඩුවකින් තොරව සතියේ දින පහේම පාසල් පැවැත්වීමටයි.

අධ්‍යාපන අමාත්‍ය සුසිල් ප්‍රේමජයන්ත් කොළඹ දී ඊයේ (16) මාධ්‍ය වෙත අදහස් දක්වමින් මේ බව සඳහන් කර සිටියා.

ඉන්ධන අර්බුදය සමඟ මතු වූ ගැටළු කිහිපයක් හේතුවෙන් දිවයින පුරා පාසල් ජුනි 27 වැනිදා සිට සතියට දින 03ක් පමණක් පැවැත්වීමටයි කටයුතු කර තිබුනේ.

කෙසේ වෙතත් ඉන්ධන සැපයුම තරමක් දුරට සාමාන්‍ය තත්ත්වයට පත්වීමත් සමඟ රජයේ සහ රජයේ අනුමත සියලු පාසල් පසුගිය සඳුදා (15) සිට සතියේ දින පහම සාමාන්‍ය පරිදි (7.30 සිට 01.30දක්වා) පැවැත්වෙන බව අධ්‍යාපන අමාත්‍යාංශය පසුගිය සතියේ දැනුම් දුන්නා.

.