දෙසැම්බර් මාසයේ පළමු දින 10 තුළ සංචාරකයින් පනස් දහසකට අධික පිරිසක් දිවයිනට පැමිණ ඇති බව ශ්‍රී ලංකා සංචාරක සංවර්ධන අධිකාරිය පවසනවා.
සංචාරකයින් 57,394 දෙනෙකු දෙසැම්බර් මාසයේ පළමු දින දහය තුළ දිවයිනට පැමිණ ඇති බවයි ශ්‍රී ලංකා සංචාරක සංවර්ධන අධිකාරිය පෙන්වා දෙන්නේ.
එම සංචාරකයින්ගෙන් වැඩිම පිරිසක් පැමිණ ඇත්තේ ඉන්දියාවෙන් වන අතර එම සංඛ්‍යාව 11,402ක්.
රුසියාවෙන් සංචාරකයින් 8004 දෙනෙකු පැමිණ තිබෙනවා. දෙසැම්බර් මාසයේ පළමු දින 10 තුළ බ්‍රිතාන්‍යයෙන් පැමිණි සංචාරකයින් සංඛ්‍යාව 5991ක්.
ජර්මනියෙන් සංචාරකයින් 5336 දෙනෙකු මේ මාසයේ පළමු දින දහය තුළ දිවයිනට පැමිණ ඇති බවයි වාර්තාවල දැක්වෙන්නේ.
2023 වසරේ ගත වූ කාලය තුළ දිවයිනට පැමිණි සමස්ත සංචාරකයින්ගේ සංඛ්‍යාව 1,334,345ක් බව ශ්‍රී ලංකා සංචාරක සංවර්ධන අධිකාරිය සඳහන් කළා.
