ජගත් පන්දුවාර 20 පන්දු යවන්නන් අතර පෙරමුණ ගැනීමට එංගලන්ත දඟ පන්දු යවන ක්රීඩක අදිල් රෂිඩ් ට හැකියාව ලැබී තිබෙනවා.
ඒ, ජාත්යන්තර ක්රිකට් කවුන්සිලය විසින් නිකුත් කළ නවතම ශ්රේණිගත කිරීම්වලට අනුවයි.
මෙම ශ්රේණිගත කිරීම්වලට අනුව ඇෆ්ගනිස්ථාන දඟ පන්දු යවන ක්රීඩක රෂිඩ් ඛාන් දෙවන ස්ථානයේ පසුවනවා.
මේ අතර අයි.සී.සීය මීට දෙසතියකට පෙර නිකුත් කළ විස්සයි විස්ස ශ්රේණිගත කිරීම්වලට අනුව පන්දු යවන්නන් අතර පෙරමුණ ගෙන සිටි ඉන්දීය දඟ පන්දු යවන ක්රීඩක රවී බිෂ්නෝයි මෙම ශ්රේණිගත කිරීම්වල දී තෙවන ස්ථානය දක්වා පහළට ගොස් ඇති ආකාරය දැකගත හැකියි.
තවමත් විස්සයි විස්ස තරග 21කට සහභාගී වී කඩුලු 34ක් දවාගෙන සිටින රවී බිෂ්නෝයි එලෙස ශ්රේණිගත කිරීම්වලට පෙරමුණට පැමිණීම සමාජ මාධ්ය තුළ දැඩි හාස්යට සහ විවේචනයට ලක්වූ ආකාරය දැකගත හැකි වුණා.
මේ අතර අයි.සී.සීය මෙවර නිකුත්කර ඇති ශ්රේණිගත කිරීම්වලට අනුව මුල් ස්ථාන හයේම දඟ පන්දු යවන්නන් පසුවීම විශේෂත්වයක්.
ඒ, අනුව මෙහි සිව්වන ස්ථානය වනිඳු හසරංගට හිමිව ඇති අතර, පස්වන ස්ථානයේ පසුවන්නේ මහීෂ් තීක්ෂණයි.
හයවන ස්ථානයේ කොදෙව් දඟ පන්දු යවන ක්රීඩක අකිල් හුසේන් පසුවනවා.
