තරග 03කින් සමන්විත පන්දුවාර 20-20 ක්‍රිකට් තරගාවලියේ දෙවැනි සහ තීරණාත්මක තරගයක් අද (16) සත්කාරක ඔස්ට්‍රෙලියාව සහ පාකිස්තානය අතර පැවැත්වෙනවා.
දෙරට අතර දෙවැනි T20 තරගය අද පස්වරු 1.30ට සිඩ්නි නුවරදීයි ආරම්භ වන්නේ.
නිමාවට පත් වූ පළමු T20 තරගය ඩක්වත් ලුවිස් න්‍යායයට අනුව සත්කාරක ඔස්ට්‍රෙලියාවට ජයග්‍රහණය හිමිවුණා.
දෙරට අතර පැවැත්වෙන ක්‍රිකට් සංචාරයේ මෙම තරගය ජය ගැනීම අද දිනයේ දී අතිශය තීරණාත්මක වනු ඇති.
අද තරගය ඔස්ට්‍රෙලියාව ජය ගතහොත් මව්බිමේ දී පාකිස්තානයට එරෙහිව T20 තරගාවලියක් ජය ගන්නා පස්වැනි අවස්ථාව මෙය වනු ඇති.
පාකිස්තානය සහ ඔස්ට්‍රෙලියාව අතර T20 තරග 26ක් පවත්වා ඇති අතර එහි වැඩි ම වාර ගණනක් තරග ජයගෙන ඇත්තේ පාකිස්තානයයි.
පාකිස්තානය තරග 13ක් සහ ඔස්ට්‍රෙලියාව තරග 12ක් ජයගෙන තිබෙනවා.
ඔස්ට්‍රෙලියාව අද තරගය ද ජයගතහොත් දෙරට අතර පැවති T20 තරගවල ජයග්‍රහණ ප්‍රමාණය ද සමාන කරගැනීමට ඔස්ට්‍රෙලියානුවන් හැකිවනු ඇති.
